ندی
میں ندی ہوں اور مجھے فخر ہے اس بات کا کہ میں ندی ہوں
چلتے رہنا میری عادت ہے
اپنے راستے خود بنانا آتا ہے مجھے اور اچھا بھی لگتا ہے
میں نہیں چاہتی کہ کوئی ایک دائرہ کھینچ کے بتا دے مجھے
کہ اب تا عمر مجھے یہیں رہنا ہے
ایک چھوٹا سا گول سا محفوظ دائرہ
جہاں نا مجھے پتھروں سے ٹکرانا ہوگا
نا ہی اپنے وجود کو قائم رکھنے کے لئے روز روز جنگ لڑنی ہوگی
میرا وجود صرف پانی سے نہیں بنا
میری آزادی میری ہمت اور میرا جنون
یہ سب مل کے بناتے ہیں مجھے اور معلوم ہے مجھے
کہ ہر پل ہر لمحہ
میں اس منزل کی طرف بڑھ رہی ہوں
جہاں موت کو انتظار ہے میرا
پھر بھی میں دھیرے نہیں چلنا چاہتی ہوں
بلکہ لمحہ در لمحہ میری رفتار بڑھتی جا رہی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.