nae aadmi ka confession

Ghazanfar

nae aadmi ka confession

Ghazanfar

MORE BYGhazanfar

    kabhī ye bhī ḳhvāhish pareshān kartī hai mujh ko

    ki maiñ apne bhītar ke maiñ ko nikālūñ

    magar mere maiñ to sūrat bahut burī hai

    ḳhabāsat ambār jis meñ nihāñ hai

    sarāfa se jis karāhat ayaañ hai

    jabīñ par ḳhatarnāk sochoñ ke jañgal uge haiñ

    bhayānak irādoñ ke vahshī chhupe haiñ

    nigāhoñ meñ jis havasnākiyoñ ke manāzir bhare haiñ

    manāzir bhī aise ki jin meñ

    zinā aise logoñ ke hamrāh karne ko sochā gayā hai

    badan jin ke jinsī bulūġhat ko pahuñche nahīñ haiñ

    vo jo bulūġhat saarī kashish kho chuke haiñ

    vo jin se koī muqaddas rishta juḌā hai

    mire maiñ sūrat burī hai

    ki dandāñ darindoñ sūrat

    kisī sahme simTe kuñvāre badan meñ gaḌe haiñ

    ki mātam-kade meñ bhī āñkheñ kisī jism burjiyoñ par Tikī haiñ

    ki biivī baġhal meñ magar zehn meñ aur koī tan-man khilā hai

    ki paglī bhikāran ke tan aur andhe bhikārī ke kashkol par bhī nazar hai

    burī hai bahut burī hai

    ki dil meñ a.izzā amvāt ḳhvāhisheñ bhī dabī haiñ

    ka.ī be-gunah gardaneñ uñgliyoñ meñ phañsī haiñ

    ki lafz-e-ayādat meñ bīmār maut bhī duā hai

    burī hai burī hai

    ki ahbāb jiit par dil dukhī hai

    ki aulād bartarī se chubhan hai

    ki bhaa.ī ke raushan jahāñ se jabīñ par shikan hai

    burī hai burī hai

    ki jo pāltā hai usī nafī hai

    ki jo pūjtā hai usī se daġhā hai

    ajab ūbaḌ-khābaḌ maiñ zamīñ hai

    ki us meñ kahīñ bhī tavāzun nahīñ hai

    kisī bhī tarah tanāsub nahīñ hai

    jahāñ chāhiye hausla buzdilī hai

    jahāñ rāstī zarūrat kajī hai

    jahāñ chāhiye aman ġhārat-garī hai

    jahāñ chāhiye qurb vaañ fāsla hai

    jahāñ sulh-e-kul chāhiye garmiyāñ sardiyāñ haiñ

    agar mere maiñ ye sūrat mire ḳhol bāhar sat.h par aa ga.ī

    to zamāna mujhe kyā kahegā

    yahī soch kar apnī is aarzū ke badan meñ

    tabar bhauñk detā huuñ aksar

    magar ye tamannā

    ki maiñ apne bhītar ke maiñ ko nikālūñ

    mire dil meñ rah rah ke kyuuñ jāgtī hai

    sabab us ye to nahīñ hai

    ki maiñ apne andar shaffāf makrūh sūrat dikhā kar

    zamāne āñkhoñ meñ ḳhud ko baḌā dekhnā chāhtā huuñ

    ye ki musalsal sharāfat ke nāTak se tañg aa chukā huuñ

    phir ye ki ab

    bāharī shakl-o-sūrat meñ merī

    kashish koī

    baaqī

    nahīñ hai

    kabhi ye bhi KHwahish pareshan karti hai mujh ko

    ki main apne bhitar ke main ko nikalun

    magar mere main ki to surat bahut hi buri hai

    KHabasat ka ambar jis mein nihan hai

    sarafa se jis ki karahat ayan hai

    jabin par KHatarnak sochon ke jangal uge hain

    bhayanak iradon ke wahshi chhupe hain

    nigahon mein jis ki hawasnakiyon ke manazir bhare hain

    manazir bhi aise ki jin mein

    zina aise logon ke hamrah karne ko socha gaya hai

    badan jin ke jinsi bulughat ko pahunche nahin hain

    ya wo jo bulughat ki sari kashish kho chuke hain

    ya wo jin se koi muqaddas sa rishta juDa hai

    mere main ki surat buri hai

    ki dandan darindon ki surat

    kisi sahme simTe kunware badan mein gaDe hain

    ki matam-kade mein bhi aankhen kisi jism ki burjiyon par Tiki hain

    ki biwi baghal mein magar zehn mein aur hi koi tan-man khila hai

    ki pagli bhikaran ke tan aur andhe bhikari ke kashkol par bhi nazar hai

    buri hai bahut hi buri hai

    ki dil mein aizza ki amwat ki KHwahishen bhi dabi hain

    kai be-gunah gardanen ungliyon mein phansi hain

    ki lafz-e-ayaadat mein bimar ki maut ki bhi dua hai

    buri hai buri hai

    ki ahbab ki jit par dil dukhi hai

    ki aulad ki bartari se chubhan hai

    ki bhai ke raushan jahan se jabin par shikan hai

    buri hai buri hai

    ki jo palta hai usi ki nafi hai

    ki jo pujta hai usi se dagha hai

    ajab ubaD-khabaD si main ki zamin hai

    ki us mein kahin bhi tawazun nahin hai

    kisi bhi tarah ka tanasub nahin hai

    jahan chahiye hausla buzdili hai

    jahan rasti ki zarurat kaji hai

    jahan chahiye aman ghaarat-gari hai

    jahan chahiye qurb wan fasla hai

    jahan sulh-e-kul chahiye garmiyan sardiyan hain

    agar mere main ki ye surat mere KHol ki bahar sath par aa gai

    to zamana mujhe kya kahega

    yahi soch kar apni is aarzu ke badan mein

    tabar bhaunk deta hun aksar

    magar ye tamanna

    ki main apne bhitar ke main ko nikalun

    mere dil mein rah rah ke kyun jagti hai

    sabab us ka ye to nahin hai

    ki main apne andar ki shaffaf makruh surat dikha kar

    zamane ki aankhon mein KHud ko baDa dekhna chahta hun

    ya ye ki musalsal sharafat ke naTak se tang aa chuka hun

    ya phir ye ki ab

    bahari shakl-o-surat mein meri

    kashish koi

    baqi

    nahin hai

    Videos
    This video is playing from YouTube

    Videos
    This video is playing from YouTube

    Ghazanfar

    Ghazanfar

    Source:

    • Book : Aank Mein Luknat (Pg. 119)
    • Author : Ghazanfar
    • Publication : Maktaba Jamia Ltd (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY