nae shahron ki buniyaad

un kī bārgāh meñ

jañgal ke sher

jārob-kashī karte haiñ

maut ne un se va.ada kiyā thā

aag nahīñ jalā.egī

sātvīñ nasl tak

lekin maiñ huuñ

āThvīñ nasl meñ

maiñ ne un kī safed ḳhushbū ko mahsūs kiyā hai

un kī dastār kā

ek sirā mashriq meñ gum hai

ek sirā ek aur mashriq meñ gum hai

vo sūraj ke aage aage qabā pahan kar chalte haiñ

ham apnī hadoñ meñ simTe hue

unheñ dekhte haiñ

aur kahte haiñ na.e shahroñ kī buniyād vahī rakhte haiñ

jo jañgal ke sheroñ ko

jārob-kashī par māmūr kar deñ

ham to

apne ghoḌoñ kī gardan par

baag bhī nahīñ chhoḌ sakte

un ki bargah mein

jangal ke sher

jarob-kashi karte hain

maut ne un se wada kiya tha

aag nahin jalaegi

satwin nasl tak

lekin main hun

aaThwin nasl mein

main ne un ki safed KHushbu ko mahsus kiya hai

un ki dastar ka

ek sira mashriq mein gum hai

ek sira ek aur mashriq mein gum hai

wo suraj ke aage aage qaba pahan kar chalte hain

hum apni hadon mein simTe hue

unhen dekhte hain

aur kahte hain nae shahron ki buniyaad wahi rakhte hain

jo jangal ke sheron ko

jarob-kashi par mamur kar den

hum to

apne ghoDon ki gardan par

bag bhi nahin chhoD sakte