naghma-e-mujassam

mahtāb-badan gulāb-sūrat

sar-tā-ba-qadam jamāl-e-fitrat

hoñToñ par mogre kī kyārī

raftār lachaktī ġham-gusārī

chehre pe niagara barastā

āvāz meñ jal-tarang bajtā

naġhmoñ se bharā huā piano

hai sāmne us ke jo do zaanū

us kī maḳhrūt uñgliyoñ meñ

vo loch hai vo gudāz-o-ḳham hai

chhūnā nahīñ paḌtā taar koī

bas lams kī baat sochte haiñ

rag rag tār-e-jāñ kī mānind

bajne lagtī hai sarḳhushī meñ

ḳhuuñ naġhmagiyoñ ke zer-o-bam kā

baaje ke badan meñ dauḌtā hai

jī uThte haiñ jin ke sunñe vaale

īsā-nafasī kī daad dete

mahtab-badan gulab-surat

sar-ta-ba-qadam jamal-e-fitrat

honTon par mogre ki kyari

raftar lachakti gham-gusari

chehre pe niagara barasta

aawaz mein jal-tarang bajta

naghmon se bhara hua piano

hai samne us ke jo do zanu

us ki maKHrut ungliyon mein

wo loch hai wo gudaz-o-KHam hai

chhuna nahin paDta tar koi

bas lams ki baat sochte hain

rag rag tar-e-jaan ki manind

bajne lagti hai sarKHushi mein

KHun naghmagiyon ke zer-o-bam ka

baje ke badan mein dauDta hai

ji uThte hain jin ke sunne wale

isa-nafasi ki dad dete