nai nasl ke nam

ab tanāvar daraḳht kitne haiñ

uñgliyoñ par maiñ gin ke batlā duuñ

shahr to ḳhālī hotā jaatā hai

in muqaddas qadīm peḌoñ se

jin ke saa.e meñ gyaan miltā hai

is se pahle ki ye jo baaqī haiñ

ikkā-dukkā ghane purāne peḌ

in kā saaya bhī sar se uTh jaa.e

aur in kī jagah buland-tarīn

ik 'imārat kahīñ se ug aa.e

merā sanjīda mashvara ye hai

thoḌī zahmat kiyā karo pyāre

tum ghaḌī do ghaḌī vahāñ jā kar

oxygen liyā karo pyāre

is meñ kuchh ḳharch to nahīñ hotā

ab tanawar daraKHt kitne hain

ungliyon par main gin ke batla dun

shahr to KHali hota jata hai

in muqaddas qadim peDon se

jin ke sae mein gyan milta hai

is se pahle ki ye jo baqi hain

ikka-dukka ghane purane peD

in ka saya bhi sar se uTh jae

aur in ki jagah buland-tarin

ek 'imarat kahin se ug aae

mera sanjida mashwara ye hai

thoDi zahmat kiya karo pyare

tum ghaDi do ghaDi wahan ja kar

oxygen liya karo pyare

is mein kuchh KHarch to nahin hota