nauha

Mahmood Ayaz

nauha

Mahmood Ayaz

MORE BY Mahmood Ayaz

    siyah-rāt meñ TimTimāte sitāroñ ke nīche

    ḳharoshāñ samundar maujeñ tujhe DhūñDhtī haiñ

    ḳharoshāñ havā sadāoñ meñ terī sadā hai

    mirā dil tujhe DhūñDhtā hai

    siyah-rāt ashkoñ shabnam meñ soī huī hai

    har ik pal har ik lamha maazī

    zinda hai maujūd meñ jāgtā hai

    magar terā paikar

    tah-e-ḳhāk añdheroñ ke māman meñ soyā huā hai

    mirā dil ki mātam-gar-e-raftagāñ hai

    tujhe DhūñDhtā hai

    maiñ āsūda-e-reg-e-ḳhāmosh

    us raat jaltī āñkhoñ ko dekhūñ

    siyah-rāt meñ TimTimāte hue

    un sitāroñ se pūchhūñ

    ḳharoshāñ samundar meñ Duubā huā chāñd

    kisī ajnabī sar zamīñ par tabassum-kunāñ hai

    nuqūsh-e-kaf-e-pā manzil kahāñ hai?

    yam-e-zindagī sail-dar-sail bahtā huā

    ek lamhe ko ruk kar palaT kar na dekhe

    siyah-rāt meñ TimTimāte sitāroñ ke nīche

    faqat ek shab be-sadā jāgtī hai

    shab-e-be-sadā pūchhtī hai

    biphartī huī mauj-e-dariyā kidhar se chalī thii?

    kidhar ko chalī hai?

    mirā dil ki mātam-gar-e-raftagāñ hai

    kise DhūñDhtā hai

    siyah-raat mein TimTimate sitaron ke niche

    KHaroshan samundar ki maujen tujhe DhunDhti hain

    KHaroshan hawa ki sadaon mein teri sada hai

    mera dil tujhe DhunDhta hai

    siyah-raat ashkon ki shabnam mein soi hui hai

    har ek pal har ek lamha mazi ka

    zinda hai maujud mein jagta hai

    magar tera paikar

    tah-e-KHak andheron ke maman mein soya hua hai

    mera dil ki matam-gar-e-raftagan hai

    tujhe DhunDhta hai

    main aasuda-e-reg-e-KHamosh

    us raat ki jalti aankhon ko dekhun

    siyah-raat mein TimTimate hue

    un sitaron se puchhun

    KHaroshan samundar mein Duba hua chand

    kisi ajnabi sar zamin par tabassum-kunan hai

    nuqush-e-kaf-e-pa ki manzil kahan hai?

    yam-e-zindagi sail-dar-sail bahta hua

    ek lamhe ko ruk kar palaT kar na dekhe

    siyah-raat mein TimTimate sitaron ke niche

    faqat ek shab be-sada jagti hai

    shab-e-be-sada puchhti hai

    bipharti hui mauj-e-dariya kidhar se chali thi?

    kidhar ko chali hai?

    mera dil ki matam-gar-e-raftagan hai

    kise DhunDhta hai

    RECITATIONS

    Nomaan Shauque

    Nomaan Shauque

    Nomaan Shauque

    nauha Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY