naya insan nai fikr

besh-az-la.al-o-gohar naqd-o-nazar le jaao

jo mire sher meñ hai ḳhūn-e-jigar le jaao

dil kī māyūs fazāoñ meñ ujālā kar do

mere afkār kī tābinda sahar le jaao

mazhab-o-nasl kī tafrīq miTā do dil se

merā jazba mirā dil merī nazar le jaao

ḳhirman-e-jaur-o-ta.assub ko jalā do yaksar

ātish o sho.ala o sad barq-o-sharar le jaao

sub.h ke nuur se rātoñ kā muqaddar badlo

zulmat-e-shab hai jahāñ shams-o-qamar le jaao

kisī insān ko nafrat se na dekho hargiz

merī āñkhoñ se mohabbat kī nazar le jaao

manzileñ ā.eñgī ḳhud baḌh ke qadam chūmeñgī

koī manzil ho mirā azm-e-safar le jaao

aaj insāñ kā ḳhudā hī nahīñ maz.hab bhī hai ek

na.e insāñ se na.ī fikr-o-nazar le jaao

muntazir hai na.ī tārīḳh sañvarne ke liye

merā jazba mirā tesha mirā sar le jaao

besh-az-lal-o-gohar naqd-o-nazar le jao

jo mere sher mein hai KHun-e-jigar le jao

dil ki mayus fazaon mein ujala kar do

mere afkar ki tabinda sahar le jao

mazhab-o-nasl ki tafriq miTa do dil se

mera jazba mera dil meri nazar le jao

KHirman-e-jaur-o-tassub ko jala do yaksar

aatish o shoala o sad barq-o-sharar le jao

subh ke nur se raaton ka muqaddar badlo

zulmat-e-shab hai jahan shams-o-qamar le jao

kisi insan ko nafrat se na dekho hargiz

meri aankhon se mohabbat ki nazar le jao

manzilen aaengi KHud baDh ke qadam chumengi

koi manzil ho mera azm-e-safar le jao

aaj insan ka KHuda hi nahin mazhab bhi hai ek

nae insan se nai fikr-o-nazar le jao

muntazir hai nai tariKH sanwarne ke liye

mera jazba mera tesha mera sar le jao