naya janm

Zubair Rizvi

naya janm

Zubair Rizvi

MORE BYZubair Rizvi

    ajnabī jaan ke ik shaḳhs ne yuuñ mujh se kahā

    vo makāñ niim vo peḌ khaḌā hai jis meñ

    khiḌkiyāñ jis ka.ī saal se lab-basta haiñ

    jis ke darvāze zanjīr ko hasrat rahī

    koī aa.e to vo hāthoñ meñ machal ke rah jaa.e

    shor-e-be-rabti-e-āhañg meñ Dhal ke rah jaa.e

    vo makāñ jis ke dar-o-bām ka.ī sāloñ se

    muntazir haiñ, koī mahtāb-sifat shahzāda

    un har gosha-e-tārīk munavvar kar de

    log kahte haiñ yahāñ raat ke sannāTe meñ

    kuchh ajab tarah āvāzeñ huā kartī haiñ

    chūḌiyāñ pā.eleñ pāzebeñ bajā kartī haiñ

    ek āvāz ki ''tum ne to mujhe chāhā thā''

    ek āvāz ki ''tum ahd-e-vafā bhuul ga.e''

    ek siskī ki ''mirā sāġhar-e-jam TuuT gayā''

    ek naala ki ''mirā mujh se sanam chhūT gayā''

    log kahte haiñ ka.ī saal hue is ghar meñ

    ḳhūb-sūrat koī shaḳhs rahā kartā thā

    chāñdnī rātoñ meñ ash.ār kahā kartā thā

    ḳhūb-rūvoñ ne use jān-e-vafā jaanā thā

    jaane kis kis ne use apnā ḳhudā maanā thā

    log kahte haiñ ki ik raat ke sannāTe meñ

    ik parī aa.ī idhar taḳht-e-sulaimānī par

    jaane kis des uḌā le ga.ī shahzāde ko

    ajnabī jaan ke us shaḳhs ne yuuñ mujh se kahā

    maiñ magar soch rahā thā ki koī pahchān na le

    ajnabi jaan ke ek shaKHs ne yun mujh se kaha

    wo makan nim ka wo peD khaDa hai jis mein

    khiDkiyan jis ki kai sal se lab-basta hain

    jis ke darwaze ki zanjir ko hasrat hi rahi

    koi aae to wo hathon mein machal ke rah jae

    shor-e-be-rabti-e-ahang mein Dhal ke rah jae

    wo makan jis ke dar-o-baam kai salon se

    muntazir hain, koi mahtab-sifat shahzada

    un ka har gosha-e-tarik munawwar kar de

    log kahte hain yahan raat ke sannaTe mein

    kuchh ajab tarah ki aawazen hua karti hain

    chuDiyan paelen pazeben baja karti hain

    ek aawaz ki tum ne to mujhe chaha tha

    ek aawaz ki tum ahd-e-wafa bhul gae

    ek siski ki mera saghar-e-jam TuT gaya

    ek nala ki mera mujh se sanam chhuT gaya

    log kahte hain kai sal hue is ghar mein

    KHub-surat sa koi shaKHs raha karta tha

    chandni raaton mein ashaar kaha karta tha

    KHub-ruwon ne use jaan-e-wafa jaana tha

    jaane kis kis ne use apna KHuda mana tha

    log kahte hain ki ek raat ke sannaTe mein

    ek pari aai idhar taKHt-e-sulaimani par

    jaane kis des uDa le gai shahzade ko

    ajnabi jaan ke us shaKHs ne yun mujh se kaha

    main magar soch raha tha ki koi pahchan na le

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY