naya nizam

nayā nizām nayā intizām aa.egā

nayā tarīqa nayā insirām aa.egā

sañbhal sañbhal ke raho ġhaflatoñ se ho bedār

jo aa rahā hai vo ik izhdihām aa.egā

vahī nahīñ hai jo dikhtā hai tum ko āñkhoñ se

hazār pardoñ meñ ik iltizām aa.egā

sunā hai murġh-e-chaman kah rahā thā ye ro ke

chaman meñ naqlī koī mushk-fām aa.egā

sabhī hī hoñge be-parda na koī satr rahe

yahāñ pe parda-shikan tezgām aa.egā

har ek chiiz majāzī kitāb zar sarvat

hamāre daur kā bas iḳhtitām aa.egā

jo vaz' hoñge tarīqe na.e na.e aqdār

rivāj-o-rasm pe sab inhidām aa.egā

na vo tarīq-e-ta’allum na hoñgī dānish-gāh

yahāñ pe daur-e-majāz-o-mashām aa.egā

zavāl-e-mardumī ab hai navishta-e-dīvār

qadam qadam pe vo ab mustadām aa.egā

agar jo chāho to kah lo ki 'ahd-e-dajjālī

sukūñ ke parde meñ sad ehtimām aa.egā

hamārā daur hai ik daur-e-hā.ilī yaaro

yahīñ se ibtidā-o-iḳhtitām aa.egā

shurūr-o-nekī ke advār aate rahte haiñ

ruḳhoñ pe ashk kabhī ibtisām aa.egā

naya nizam naya intizam aaega

naya tariqa naya insiram aaega

sanbhal sanbhal ke raho ghaflaton se ho bedar

jo aa raha hai wo ek izhdiham aaega

wahi nahin hai jo dikhta hai tum ko aankhon se

hazar pardon mein ek iltizam aaega

suna hai murgh-e-chaman kah raha tha ye ro ke

chaman mein naqli koi mushk-fam aaega

sabhi hi honge be-parda na koi satr rahe

yahan pe parda-shikan tezgam aaega

har ek chiz majazi kitab zar sarwat

hamare daur ka bas iKHtitam aaega

jo waz' honge tariqe nae nae aqdar

riwaj-o-rasm pe sab inhidam aaega

na wo tariq-e-ta’allum na hongi danish-gah

yahan pe daur-e-majaz-o-masham aaega

zawal-e-mardumi ab hai nawishta-e-diwar

qadam qadam pe wo ab mustadam aaega

agar jo chaho to kah lo ki 'ahd-e-dajjali

sukun ke parde mein sad ehtimam aaega

hamara daur hai ek daur-e-haili yaro

yahin se ibtida-o-iKHtitam aaega

shurur-o-neki ke adwar aate rahte hain

ruKHon pe ashk kabhi ibtisam aaega