نیا سال مبارک
نیا سال تم کو مبارک ہو بچو
سدا خوش رہو تم پھلو اور پھولو
خدا کی عنایت رہے تم پہ دائم
ہمیشہ رہو سیدھے رستے پہ قائم
ترقی کرو علم میں اور ہنر میں
بلندی ہو پیدا تمہاری نظر میں
غریبوں کی امداد کرتے رہو تم
دم ان کی محبت کا بھرتے رہو تم
رہو تم ہمیشہ قوی اور توانا
زمانہ پکارے تمہیں کہہ کے دانا
جو بگڑے بھی ہوں کام ان کو سنبھالو
کبھی آج کا کام کل پر نہ ٹالو
بنو نیک نیکی تمہارا چلن ہو
بھلائی کی دھن میں ہمیشہ مگن ہو
رہو سکھ سے دائم نہ دکھ پاس آئے
خدا تم کو بیماریوں سے بچائے
دعا ہے یہ نیرؔ کی تم نام پاؤ
اور اس سال میں کچھ نہ کچھ کر دکھاؤ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
