naya shiwala

Allama Iqbal

naya shiwala

Allama Iqbal

MORE BYAllama Iqbal

    INTERESTING FACT

    From Part-1 till 1905 (Bang-e-Dara)

    sach kah duuñ ai barhaman gar burā na maane

    tere sanam-kadoñ ke but ho ga.e purāne

    apnoñ se bair rakhnā ne butoñ se sīkhā

    jañg-o-jadal sikhāyā vaa.iz ko bhī ḳhudā ne

    tañg aa ke maiñ ne āḳhir dair o haram ko chhoḌā

    vaa.iz va.az chhoḌā chhoḌe tire fasāne

    patthar mūratoñ meñ samjhā hai ḳhudā hai

    ḳhāk-e-vatan mujh ko har zarra devtā hai

    aa ġhairiyat ke parde ik baar phir uThā deñ

    bichhḌoñ ko phir milā deñ naqsh-e-duī miTā deñ

    suunī paḌī huī hai muddat se dil bastī

    aa ik nayā shivāla is des meñ banā deñ

    duniyā ke tīrathoñ se ūñchā ho apnā tīrath

    dāmān-e-āsmāñ se is kalas milā deñ

    har sub.h uTh ke gaa.eñ mantar vo mīThe mīThe

    saare pujāriyoñ ko mai piit pilā deñ

    shaktī bhī shāntī bhī bhagtoñ ke giit meñ hai

    dhartī ke bāsiyoñ muktī priit meñ hai

    sach kah dun ai barhaman gar tu bura na mane

    tere sanam-kadon ke but ho gae purane

    apnon se bair rakhna tu ne buton se sikha

    jang-o-jadal sikhaya waiz ko bhi KHuda ne

    tang aa ke main ne aaKHir dair o haram ko chhoDa

    waiz ka waz chhoDa chhoDe tere fasane

    patthar ki muraton mein samjha hai tu KHuda hai

    KHak-e-watan ka mujh ko har zarra dewta hai

    aa ghairiyat ke parde ek bar phir uTha den

    bichhDon ko phir mila den naqsh-e-dui miTa den

    suni paDi hui hai muddat se dil ki basti

    aa ek naya shiwala is des mein bana den

    duniya ke tirathon se uncha ho apna tirath

    daman-e-asman se is ka kalas mila den

    har subh uTh ke gaen mantar wo miThe miThe

    sare pujariyon ko mai pit ki pila den

    shakti bhi shanti bhi bhagton ke git mein hai

    dharti ke basiyon ki mukti prit mein hai

    Videos
    This video is playing from YouTube

    Videos
    This video is playing from YouTube

    Abdul Ahad Saaz

    Abdul Ahad Saaz

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY