nazm ko nazm ke haal par chhoD do

ibtidā se kabhī nazm hotī nahīñ

aur kabhī ibtidā se bhī pahle kahīñ

nazm hone ke āsār milte haiñ

jaise kahīñ qabl az zindagī

zindagī ke tasavvur se pahle

magar zindagī se bhī behtar

barāmad huī koī tahzīb

tahzīb miltī to hai

par kabhī ibtidā us kī miltī nahīñ

ibtidā se bhī pahle

talak zehn jaatā nahīñ

aur tahzīb se lenā-denā bhī kyā

nazm kī ibtidā nuun se

nuun legī nahīñ

ye hurūf-e-tahajjī kā ik rukn hai

jiim se jism

che se chamak

Daal se DālDā

scene se siin uupar ke tiin

vaav se vahm

jo kis qadar aham hai

nazm ke vast meñ

jo ki hotā nahīñ

dā.era to nahīñ

triangle nahīñ

hexagonal nahīñ

ḳhat nahīñ wave hai

ya.anī āvāz jaisī koī chiiz hai

magnet kī tarah koī shai hai

havā sā koī mo.āmla hai

koī current hai

jis ke lagne se bhī

nazm martī nahīñ

nazm kī intihā kyoñ ki hotī nahīñ

ḳhatm ho jaatī hai beach meñ hī kahīñ

jis tarah kuchh javāñ-marg

yā intihā par pahuñch kar bhī tishna hī rahtī hai

jaise

vo sab zinda lāsheñ ki jo maut kī date ke baad bhī jī rahī haiñ

davā apnī muddat mukammal kiye ek bīmār gāhak kī rah dekhtī hai

ye paanī kī lālach bahut baḌh ga.ī hai jo tanki ko bhar kar labālab baqāyā dīvāroñ kī buniyād meñ chhoḌ dete haiñ

bijlī ke aane kā vaqt aa bhī jaa.e magar in kī apnī ghaḌī hai

nijī daftaroñ ke mulāzim kī chhuTTī ke auqāt hote haiñ lekin use der tak baiThne aur biThāne meñ koī qabāhat nahīñ hai

sitāroñ se aage jahāñ aur bhī haiñ

ibtida se kabhi nazm hoti nahin

aur kabhi ibtida se bhi pahle kahin

nazm hone ke aasar milte hain

jaise kahin qabl az zindagi

zindagi ke tasawwur se pahle

magar zindagi se bhi behtar

baramad hui koi tahzib

tahzib milti to hai

par kabhi ibtida us ki milti nahin

ibtida se bhi pahle

talak zehn jata nahin

aur tahzib se lena-dena bhi kya

nazm ki ibtida nun se

nun legi nahin

ye huruf-e-tahajji ka ek rukn hai

jim se jism

che se chamak

Dal se DalDa

scene se sin upar ke tin

waw se wahm

jo kis qadar aham hai

nazm ke wast mein

jo ki hota nahin

daera to nahin

triangle nahin

hexagonal nahin

KHat nahin wawe hai

yani aawaz jaisi koi chiz hai

magnet ki tarah koi shai hai

hawa sa koi moamla hai

koi current hai

jis ke lagne se bhi

nazm marti nahin

nazm ki intiha kyon ki hoti nahin

KHatm ho jati hai beach mein hi kahin

jis tarah kuchh jawan-marg

ya intiha par pahunch kar bhi tishna hi rahti hai

jaise

wo sab zinda lashen ki jo maut ki date ke baad bhi ji rahi hain

dawa apni muddat mukammal kiye ek bimar gahak ki rah dekhti hai

ye pani ki lalach bahut baDh gai hai jo tanki ko bhar kar labaalab baqaya diwaron ki buniyaad mein chhoD dete hain

bijli ke aane ka waqt aa bhi jae magar in ki apni ghaDi hai

niji daftaron ke mulazim ki chhuTTi ke auqat hote hain lekin use der tak baiThne aur biThane mein koi qabahat nahin hai

sitaron se aage jahan aur bhi hain