nazm

maiñ rāheñ moḌ to lā.ūñ

sitāre toḌ to lā.ūñ

magar fursat nahīñ ab ke

bahut se kaam baaqī haiñ

bahut se qarz haiñ aise

jo mere naam baaqī haiñ

abhī kitne fasānoñ ke

kahīñ āġhāz haiñ baaqī

kahīñ anjām baaqī haiñ

tumheñ bhī to mohabbat hai

balā kā 'ishq hai to phir

ḳharāj-e-vasl na māñgo

mire mahjūr lamhoñ se

baḌe majbūr lamhoñ se

balā kā 'ishq hai to phir

malāl-e-dard kyā karnā

girāñ-bārī se kyā Darnā

ḳhasāre chhoḌ do tum bhī

shumāre chhoḌ do tum bhī

ki mere qarz jitne haiñ

qazā haiñ farz jitne haiñ

zarā un kī adaa.ī meñ

sahārā to bano tum bhī

ḳhasāra to saho tum bhī

sitāre toḌ laane kī

yā raste moḌ laane kī

girāñ-bārī uThāo ab

nahīñ to phir nishāt-e-jāñ

mujhe tum bhuul jaao ab

main rahen moD to laun

sitare toD to laun

magar fursat nahin ab ke

bahut se kaam baqi hain

bahut se qarz hain aise

jo mere nam baqi hain

abhi kitne fasanon ke

kahin aaghaz hain baqi

kahin anjam baqi hain

tumhein bhi to mohabbat hai

bala ka 'ishq hai to phir

KHaraj-e-wasl na mango

mere mahjur lamhon se

baDe majbur lamhon se

bala ka 'ishq hai to phir

malal-e-dard kya karna

giran-bari se kya Darna

KHasare chhoD do tum bhi

shumare chhoD do tum bhi

ki mere qarz jitne hain

qaza hain farz jitne hain

zara un ki adai mein

sahaara to bano tum bhi

KHasara to saho tum bhi

sitare toD lane ki

ya raste moD lane ki

giran-bari uThao ab

nahin to phir nishat-e-jaan

mujhe tum bhul jao ab