nazr-e-tagore

Rifat Sarosh

nazr-e-tagore

Rifat Sarosh

MORE BYRifat Sarosh

    mirī kalā merī shā.irī mere fan us ko salām pahuñche

    ki jis ne mashriq azmatoñ ko atā kiye zindagī ke paikar

    jo satvateñ ḳhvāb ho chukī thiiñ jo rif.ateñ past ho chukī thiiñ

    unheñ jagā kar unheñ sajā kar banā diyā āsmāñ ham-sar

    bhaTak rahī thī vatan hastī ġhulām rūhoñ ke kārvāñ meñ

    shu.ūr-e-āzādī us ko de kar banā diyā asr-e-nau rahbar

    mirī navāoñ meñ shoḳh tarz-e-suḳhan us ko salām pahoñche

    ki jis ne mashriq sarzamīñ ko na.e jahāñ ufuq banāyā

    nizām-e-tahsīl-e-ilm badlā nayā tasavvur adab ko baḳhshā

    lalit-kalāoñ ko shāñtī ke hasīn unvān se sajāyā

    shafaq mehñdī dhanak ke kañgan churā.e aur kahkashāñ afshāñ

    baḌe jatan se hasīna-e-shā.irī ko jis ne dulhan banāyā

    'sarosh' mere shu.ūr ke bāñkpan us ko salām pahuñche

    sharāb-e-mashriq ke jaam chhalkā.e jis ne maġhrib ke mai-kadoñ meñ

    musavvir-e-tal.at-e-nigārāñ muġhannī-e-shaukat-e-bahārāñ

    haiñ maujzan kā.enāt ke dil dhaḌkaneñ jis ke chahchahoñ meñ

    sukūt-e-shab raqs-e-māh-o-anjum fazā ke shāne sabā zulfeñ

    nigār-e-fitrat har adā jamāl hai jis ke zamzamoñ meñ

    maiñ rūh-e-tagore tere dar par aqīdat-e-sar jhukā rahā huuñ

    tire tasavvur meñ naġhma-zan huuñ maiñ terī lai meñ rahā huuñ

    tire taḳhayyul tire tafakkur tire tadabbur ke phuul chun kar

    maiñ apne fan apne daur apne vatan mahfil sajā rahā huuñ

    meri kala meri shairi mere fan ka us ko salam pahunche

    ki jis ne mashriq ki azmaton ko ata kiye zindagi ke paikar

    jo satwaten KHwab ho chuki thin jo rifaten past ho chuki thin

    unhen jaga kar unhen saja kar bana diya aasman ka ham-sar

    bhaTak rahi thi watan ki hasti ghulam ruhon ke karwan mein

    shuur-e-azadi us ko de kar bana diya asr-e-nau ka rahbar

    meri nawaon mein shoKH tarz-e-suKHan ka us ko salam pahonche

    ki jis ne mashriq ki sarzamin ko nae jahan ka ufuq banaya

    nizam-e-tahsil-e-ilm badla naya tasawwur adab ko baKHsha

    lalit-kalaon ko shanti ke hasin unwan se sajaya

    shafaq ki mehndi dhanak ke kangan churae aur kahkashan ki afshan

    baDe jatan se hasina-e-shairi ko jis ne dulhan banaya

    'sarosh' mere shuur ke bankpan ka us ko salam pahunche

    sharab-e-mashriq ke jam chhalkae jis ne maghrib ke mai-kadon mein

    musawwir-e-talat-e-nigaran mughanni-e-shaukat-e-bahaaran

    hain maujzan kaenat ke dil ki dhaDkanen jis ke chahchahon mein

    sukut-e-shab raqs-e-mah-o-anjum faza ke shane saba ki zulfen

    nigar-e-fitrat ki har ada ka jamal hai jis ke zamzamon mein

    main ruh-e-tagore tere dar par aqidat-e-sar jhuka raha hun

    tere tasawwur mein naghma-zan hun main teri hi lai mein ga raha hun

    tere taKHayyul tere tafakkur tere tadabbur ke phul chun kar

    main apne fan apne daur apne watan ki mahfil saja raha hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY