aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nida-e-taKHliq

Hasan Naim

nida-e-taKHliq

Hasan Naim

MORE BYHasan Naim

    sukūt-e-nīm-shabī meñ kisī ne āvāz

    'na.īm' dil se nikālo na ḳhār-hā-e-ḳhalish

    sukūn hai to isī iztirāb meñ kuchh hai

    ġhuzār-e-shauq meñ, soz-e-talāsh meñ kuchh hai

    junūñ ke jumla marāhil se tum guzar dekho

    jamāl-e-fikr se ābād hai dil-e-vīrāñ

    sharār-e-dil se munavvar jahān-e-fardā hai

    ye kaun mujh se muḳhātib hai itnī qurbat se

    ye kis ne zaḳhm ko dast-e-shifā se chheḌā hai,

    isī ḳhayāl meñ gum thā ki phir sadā aa.ī

    kamāl-e-arz-e-suḳhan jis ko tum samajh baiThe

    vo ijz-e-fikr hai iqrār-e-be-zabānī hai

    nikal ke aao zarā kūcha-e-ḳhabar dekho

    har ek chāk-girebāñ har ek gard-ālūd

    na qatl-gah se hirāsāñ na sañgsāroñ se

    ki ek umr guzartī hai justujū karte

    nazar ko tez haqīqat ko rū-ba-rū karte

    bas ek tum ki tumhāre qadam nahīñ uThte

    quyūd-e-asr zanjīr kāTne vaale

    farāz-e-koh se āvāz de rahe haiñ tumheñ

    payambaroñ ke maqāmāt de rahe haiñ tumheñ

    ruḳh-e-sahar se haTāo ridā-e-shab lillāh

    azāb-e-nār se guzro ki tauf-e-nūr karo

    jigar ke daaġh se rakkho harīm-e-jāñ raushan

    shuā-e-dard ko chūmo gale lagāo 'na.īm'

    sar-e-vajūd jhukā.e sunā kiyā sab kuchh

    tamām jism thā goyā nishāna-e-āvāz

    tamām ruuh thī saame tamām ġham bedār

    sukūt-e-shab meñ

    sadā gūñjtī rahī pahroñ

    sukut-e-nim-shabi mein kisi ne di aawaz

    'naim' dil se nikalo na KHar-ha-e-KHalish

    sukun hai to isi iztirab mein kuchh hai

    ghuzar-e-shauq mein, soz-e-talash mein kuchh hai

    junun ke jumla marahil se tum guzar dekho

    jamal-e-fikr se aabaad hai dil-e-viran

    sharar-e-dil se munawwar jahan-e-farda hai

    ye kaun mujh se muKHatib hai itni qurbat se

    ye kis ne zaKHm ko dast-e-shifa se chheDa hai,

    isi KHayal mein gum tha ki phir sada aai

    kamal-e-arz-e-suKHan jis ko tum samajh baiThe

    wo ijz-e-fikr hai iqrar-e-be-zabani hai

    nikal ke aao zara kucha-e-KHabar dekho

    har ek chaak-gireban har ek gard-alud

    na qatl-gah se hirasan na sangsaron se

    ki ek umr guzarti hai justuju karte

    nazar ko tez haqiqat ko ru-ba-ru karte

    bas ek tum ki tumhaare qadam nahin uThte

    quyud-e-asr ki zanjir kaTne wale

    faraaz-e-koh se aawaz de rahe hain tumhein

    payambaron ke maqamat de rahe hain tumhein

    ruKH-e-sahar se haTao rida-e-shab lillah

    azab-e-nar se guzro ki tauf-e-nur karo

    jigar ke dagh se rakkho harim-e-jaan raushan

    shua-e-dard ko chumo gale lagao 'naim'

    sar-e-wajud jhukae suna kiya sab kuchh

    tamam jism tha goya nishana-e-awaz

    tamam ruh thi same tamam gham bedar

    sukut-e-shab mein

    sada gunjti rahi pahron

    RECITATIONS

    Nomaan Shauque

    Nomaan Shauque,

    Nomaan Shauque

    nida-e-taKHliq Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now