nim-sargoshi ka manzar

vo lafz kā rasiyā hai us

kī dil-nashīñ tanzīm kā

tartīb kā asvāt kā

girte hue ko thāmtā

hai rāh-paimā ko sikhātā hai ḳhirām-e-nāz kā

andāz lutf-e-lazzat-e-purkār raqs-e-munzabit kī āhanī

parvāz shāyad zard ḳhākī ko tamannā-e-subuk

be-jāñ hai lazzat kī amiiñ

tarkīb kī tā'rīf kī zohra-jabīñ

ye tarbiyat-zāda musalsal raqs kartā hai sar-e-bāzār amboh-e-farāvāñ daad de

vo sochtā hai rāt-bhar vo āḳhirī

sāhir hai ab ḳhvāboñ kī bastī kā magar

har raat kā manzar chaTaḳhtā hai to reza-reza ho kar shāh-rāhoñ par bikhartā hai yahāñ

is hāo-hū meñ roz-o-shab

bedār hotā hai anokhā ajnabī

jo lafz ke rasiyā kā dushman bhī nahīñ

ham-zād bhī shāyad nahīñ

jo nīm-sargoshī kā vahshī ġhair pā-basta sā manzar naqsh kartā hai pareshāñ shahr meñ

tartīb ke har dā.ere

se log kahte haiñ vo shāyad māvarā

hai ajnabī ko qatl kar do dafn kar do ajnabī ab zer-e-lab ab roz-o-shab

sarshār mahshar ḳhalq kartā hai hirāsāñ shahr meñ

wo lafz ka rasiya hai us

ki dil-nashin tanzim ka

tartib ka aswat ka

girte hue ko thamta

hai rah-paima ko sikhata hai KHiram-e-naz ka

andaz lutf-e-lazzat-e-purkar raqs-e-munzabit ki aahani

parwaz shayad zard KHaki ko tamanna-e-subuk

be-jaan hai lazzat ki amin

tarkib ki ta'rif ki zohra-jabin

ye tarbiyat-zada musalsal raqs karta hai sar-e-bazar amboh-e-farawan dad de

wo sochta hai raat-bhar wo aaKHiri

sahir hai ab KHwabon ki basti ka magar

har raat ka manzar chaTaKHta hai to reza-reza ho kar shah-rahon par bikharta hai yahan

is hao-hu mein roz-o-shab

bedar hota hai anokha ajnabi

jo lafz ke rasiya ka dushman bhi nahin

ham-zad bhi shayad nahin

jo nim-sargoshi ka wahshi ghair pa-basta sa manzar naqsh karta hai pareshan shahr mein

tartib ke har daere

se log kahte hain wo shayad mawara

hai ajnabi ko qatl kar do dafn kar do ajnabi ab zer-e-lab ab roz-o-shab

sarshaar mahshar KHalq karta hai hirasan shahr mein