aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nind

MORE BYAli Sardar Jafri

    raat ḳhūb-sūrat hai

    niiñd kyuuñ nahīñ aatī

    din ḳhashm-gīñ nazreñ

    kho ga.iiñ siyāhī meñ

    āhanī kaḌoñ shor

    beḌiyoñ jhankāreñ

    qaidiyoñ sāñsoñ

    tund-o-tez āvāzeñ

    jelaroñ badkārī

    gāliyoñ bauchhāreñ

    bebasī ḳhāmoshī

    ḳhāmushī fariyādeñ

    tah-nashīñ añdhere meñ

    shab shoḳh doshīza

    ḳhār-dār tāroñ ko

    āhanī hisāroñ ko

    paar kar ke aa.ī hai

    bhar ke apne āñchal meñ

    jañgaloñ ḳhushbueñ

    ThanDkeñ pahāḌoñ

    mere paas laa.ī hai

    nīl-gūñ javāñ siina

    kahkashāñ peshānī

    niim chāñd joḌā

    maḳhmalīñ añdhere

    pairahan laraztā hai

    vaqt siyah zulfeñ

    ḳhāmushī ke shānoñ par

    ḳham-ba-ḳham mahaktī haiñ

    aur zamīñ ke hoñToñ par

    narm shabnamī bose

    motiyoñ ke dāñtoñ se

    khilkhilā ke hañste haiñ

    raat ḳhūb-sūrat hai

    niiñd kyuuñ nahīñ aatī

    raat peñg letī hai

    chāñdnī ke jhūle meñ

    āsmān par taare

    nanhe nanhe hāthoñ se

    bun rahe haiñ jaadū

    jhīñguroñ āvāzeñ

    kah rahī haiñ afsāna

    duur jel ke bāhar

    baj rahī hai shahnā.ī

    rail apne pahiyoñ se

    loriyāñ sunātī hai

    raat ḳhūb-sūrat hai

    niiñd kyuuñ nahīñ aatī

    roz raat ko yūñhī

    niiñd merī āñkhoñ se

    bevafā.ī kartī hai

    mujh ko chhoḌ kar tanhā

    jel se nikaltī hai

    bamba.ī bastī meñ

    mere ghar darvāza

    ke khaTkhaTātī hai

    ek nanhe bachche

    añkhḌiyoñ ke bachpan meñ

    mīThe mīThe ḳhvāboñ

    shahad ghol detī hai

    ik hasīñ parī ban kar

    loriyāñ sunātī hai

    pālnā hilātī hai

    raat KHub-surat hai

    nind kyun nahin aati

    din ki KHashm-gin nazren

    kho gain siyahi mein

    aahani kaDon ka shor

    beDiyon ki jhankaren

    qaidiyon ki sanson ki

    tund-o-tez aawazen

    jelaron ki badkari

    galiyon ki bauchhaaren

    bebasi ki KHamoshi

    KHamushi ki fariyaaden

    tah-nashin andhere mein

    shab ki shoKH doshiza

    KHar-dar taron ko

    aahani hisaron ko

    par kar ke aai hai

    bhar ke apne aanchal mein

    jangalon ki KHushbuen

    ThanDken pahaDon ki

    mere pas lai hai

    nil-gun jawan sina

    kahkashan ki peshani

    nim chand ka joDa

    maKHmalin andhere ka

    pairahan larazta hai

    waqt ki siyah zulfen

    KHamushi ke shanon par

    KHam-ba-KHam mahakti hain

    aur zamin ke honTon par

    narm shabnami bose

    motiyon ke danton se

    khilkhila ke hanste hain

    raat KHub-surat hai

    nind kyun nahin aati

    raat peng leti hai

    chandni ke jhule mein

    aasman par tare

    nanhe nanhe hathon se

    bun rahe hain jadu sa

    jhinguron ki aawazen

    kah rahi hain afsana

    dur jel ke bahar

    baj rahi hai shahnai

    rail apne pahiyon se

    loriyan sunati hai

    raat KHub-surat hai

    nind kyun nahin aati

    roz raat ko yunhi

    nind meri aankhon se

    bewafai karti hai

    mujh ko chhoD kar tanha

    jel se nikalti hai

    bambai ki basti mein

    mere ghar ka darwaza

    ja ke khaTkhaTati hai

    ek nanhe bachche ki

    ankhDiyon ke bachpan mein

    miThe miThe KHwabon ka

    shahad ghol deti hai

    ek hasin pari ban kar

    loriyan sunati hai

    palna hilati hai

    Source:

    Ek Khvab aur (Pg. 72)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now