nind nahin aati hai

Ashfaq Husain

nind nahin aati hai

Ashfaq Husain

MORE BYAshfaq Husain

    tum ne likkhā hai

    niiñd nahīñ aatī hai tum ko

    tum se bahut duur huuñ maiñ

    is dhartī se

    us dhartī tak

    beach meñ kitne dariyā aur samundar hoñge

    ye to sach hai

    lekin un maaoñ socho

    jin ke beTe

    chāñd talak ik din jā.eñge

    ke vahāñ par bas jā.eñge

    aise meñ

    jab raat aa.egī

    chāñd zamīñ par niklā hogā

    chāñd meñ un chehra hogā

    lekin un ke ghar āñgan

    kitnā suunā suunā hogā

    darvāzoñ par ḳhāmoshī pahra hogā

    āñkhoñ meñ vīrānī hogī

    dil meñ bhī sannāTā hogā

    raat aa.egī

    aur āñkhoñ se

    niiñd pariyāñ rūThī hoñgī

    vo bas chāñd ko dekhtī hoñgī

    jāgtī hoñgī

    un maaoñ ke baare meñ bhī

    kuchh to socho

    shāyad tum ko niiñd aa jaa.e

    maiñ to itnī duur nahīñ huuñ

    maiñ to yahīñ par bastā huuñ

    saañs yahīñ par letā huuñ

    maiñ to zamīñ par rahtā huuñ

    tum ne likkha hai

    nind nahin aati hai tum ko

    tum se bahut hi dur hun na main

    is dharti se

    us dharti tak

    beach mein kitne dariya aur samundar honge

    ye to sach hai

    lekin un maon ka socho

    jin ke beTe

    chand talak ek din jaenge

    ja ke wahan par bas jaenge

    aise mein

    jab raat aaegi

    chand zamin par nikla hoga

    chand mein un ka chehra hoga

    lekin un ke ghar ka aangan

    kitna suna suna hoga

    darwazon par KHamoshi ka pahra hoga

    aankhon mein virani hogi

    dil mein bhi sannaTa hoga

    raat aaegi

    aur aankhon se

    nind ki pariyan ruThi hongi

    wo bas chand ko dekhti hongi

    jagti hongi

    un maon ke bare mein bhi

    kuchh to socho

    shayad tum ko nind aa jae

    main to itni dur nahin hun

    main to yahin par hi basta hun

    sans yahin par hi leta hun

    main to zamin par hi rahta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY