nostalgia
purāne āshnā
rastoñ ko dohrāte hue
phisalte vaqt ko
bekār bahlāte hue
kabhī ik dam se
āñkhoñ meñ
koī mānūs lamha
jagmagā kar baat kartā hai
kisī aahaT kī ḳhushbū kī
kahānī yaad kartā hai
kabhī pairoñ pe miTTī kā gharauñdā
jaag uThtā hai
kabhī bargad mujhe mahsūs kar ke
paas aatā hai
kabhī vo haath mere haath ko
phir se bulātā hai
kabhī chham se mirī palkoñ meñ
sūraj
apnī āñkheñ khol detā hai
kabhī ḳhāmosh rahtā hai
kabhī kuchh bol detā hai
kabhī miTTī
mujhe āġhosh meñ le kar
thapak kar lorī detī hai
maiñ us ke bāzuoñ meñ
āñkheñ mūñde
ibtidā se intihā tak kā
safar kartī huuñ
purane aashna
raston ko dohraate hue
phisalte waqt ko
bekar bahlate hue
kabhi ek dam se
aankhon mein
koi manus lamha
jagmaga kar baat karta hai
kisi aahaT ki KHushbu ki
kahani yaad karta hai
kabhi pairon pe miTTi ka gharaunda
jag uThta hai
kabhi bargad mujhe mahsus kar ke
pas aata hai
kabhi wo hath mere hath ko
phir se bulata hai
kabhi chham se meri palkon mein
suraj
apni aankhen khol deta hai
kabhi KHamosh rahta hai
kabhi kuchh bol deta hai
kabhi miTTi
mujhe aaghosh mein le kar
thapak kar lori deti hai
main us ke bazuon mein
aankhen munde
ibtida se intiha tak ka
safar karti hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
