nur-jahan

MORE BYChandar Bhan Kaifi Dehelvi

    har jalva jahāñgīr thā jis vaqt javāñ thī

    kahte haiñ jise nūr-jahāñ nūr-e-jahāñ thī

    thā huur TukḌā but-e-tannāz mukhḌā

    ik sham.a thī fānūs meñ jo nūr-fishāñ thī

    andāz meñ shoḳhī meñ karishme meñ adā meñ

    talvār thī barchhī thī kaTārī thī sināñ thī

    ruḳhsār-e-jahāñ-tāb paḌtī thiiñ shuā.eñ

    husn ke dariyā se koī mauj ravāñ thī

    bijlī thī chamaktī huī dāmāñ-e-shafaq meñ

    mauj-e-tabassum thī laboñ meñ jo nihāñ thī

    gulzār-e-ma.ānī chahaktī huī bulbul

    shā.ir thī suḳhan-sanj thī ejāz-e-bayāñ thī

    betāb huā jaatā hai dil zikr se us ke

    kyā pūchhte ho kaun thī vo aur kahāñ thī

    duniyā-e-tadabbur meñ thī yaktā-e-zamāna

    haath us ke the aur un meñ hukūmat inaañ thī

    dastūr-e-adālat ke liye us qalam thā

    farmān-e-re.āyā ke liye us zabāñ thī

    vo sham-e-shab-afroz thī parvāna jahāñgīr

    ye baat bhī donoñ mohabbat se ayaañ thī

    lahore meñ dekhā use madfūñ tah-e-marqad

    gard-e-kaf-e-pā jis kabhī kāhkashāñ thī

    paivand-e-zamīñ ho ga.e ab kaun batā.e

    'kaifī' ye jahāñgīr thā vo nūr-jahāñ thī

    har jalwa jahangir tha jis waqt jawan thi

    kahte hain jise nur-jahan nur-e-jahan thi

    tha hur ka TukDa but-e-tannaz ka mukhDa

    ek shama thi fanus mein jo nur-fishan thi

    andaz mein shoKHi mein karishme mein ada mein

    talwar thi barchhi thi kaTari thi sinan thi

    ruKHsar-e-jahan-tab ki paDti thin shuaen

    ya husn ke dariya se koi mauj rawan thi

    bijli thi chamakti hui daman-e-shafaq mein

    ya mauj-e-tabassum thi labon mein jo nihan thi

    gulzar-e-maani ki chahakti hui bulbul

    shair thi suKHan-sanj thi ejaz-e-bayan thi

    betab hua jata hai dil zikr se us ke

    kya puchhte ho kaun thi wo aur kahan thi

    duniya-e-tadabbur mein thi yakta-e-zamana

    hath us ke the aur un mein hukumat ki inan thi

    dastur-e-adalat ke liye us ka qalam tha

    farman-e-reaya ke liye us ki zaban thi

    wo sham-e-shab-afroz thi parwana jahangir

    ye baat bhi donon ki mohabbat se ayan thi

    lahore mein dekha use madfun tah-e-marqad

    gard-e-kaf-e-pa jis ki kabhi kahkashan thi

    paiwand-e-zamin ho gae ab kaun batae

    'kaifi' ye jahangir tha wo nur-jahan thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY