aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

o des se aane wale bata

Akhtar Shirani

o des se aane wale bata

Akhtar Shirani

MORE BYAkhtar Shirani

    o des se aane vaalā hai batā

    o des se aane vaale batā

    kis haal meñ haiñ yārān-e-vatan

    āvāra-e-ġhurbat ko bhī sunā

    kis rañg meñ hai kan.ān-e-vatan

    vo bāġh-e-vatan firdaus-e-vatan

    vo sarv-e-vatan raihān-e-vatan

    o des se aane vaale batā

    o des se aane vaale batā

    kyā ab bhī vahāñ ke bāġhoñ meñ

    mastāna havā.eñ aatī haiñ

    kyā ab bhī vahāñ ke parbat par

    ghanghor ghaTā.eñ chhātī haiñ

    kyā ab bhī vahāñ barkhā.eñ

    vaise diloñ ko bhātī haiñ

    o des se aane vaale batā

    o des se aane vaale batā

    kyā ab bhī vatan meñ vaise

    sarmast nazāre hote haiñ

    kyā ab bhī suhānī rātoñ ko

    vo chāñd sitāre hote haiñ

    ham khel jo khelā karte the

    kyā ab vahī saare hote haiñ

    o des se aane vaale batā

    o des se aane vaale batā

    kyā ab bhī shafaq ke sāyoñ meñ

    din raat ke dāman milte haiñ

    kyā ab bhī chaman meñ vaise

    ḳhush-rañg shagūfe khilte haiñ

    barsātī havā lahroñ se

    bhīge hue paude hilte haiñ

    o des se aane vaale batā

    o des se aane vaale batā

    shādāb-o-shagufta phūloñ se

    ma.amūr haiñ gulzār ab ki nahīñ

    bāzār meñ mālan laatī hai

    phūloñ ke guñdhe haar ab ki nahīñ

    aur shauq se TuuTe paḌte haiñ

    nau-umr ḳharīdār ab ki nahīñ

    o des se aane vaale batā

    o des se aane vaale batā

    kyā shaam paḌe galiyoñ meñ vahī

    dilchasp añdherā hotā hai

    aur saḌkoñ dhundlī sham.oñ par

    sāyoñ baserā hotā hai

    bāġhoñ ghanerī shāḳhoñ meñ

    jis tarah saverā hotā hai

    o des se aane vaale batā

    o des se aane vaale batā

    kyā ab bhī vahāñ vaisī javāñ

    aur madh-bharī rāteñ hotī haiñ

    kyā raat bhar ab bhī gītoñ

    aur pyaar bāteñ hotī haiñ

    vo husn ke jaadū chalte haiñ

    vo ishq ghāteñ hotī haiñ

    o des se aane vaale batā

    o des se aane vaale batā

    mīrāniyoñ ke āġhosh meñ hai

    ābād vo bāzār ab ki nahīñ

    talvāreñ baġhal meñ daabe hue

    phirte haiñ trahdār ab ki nahīñ

    aur bahliyoñ meñ se jhāñkte haiñ

    turkān-e-siyah-kār ab ki nahīñ

    o des se aane vaale batā

    o des se aane vaale batā

    kyā ab bhī mahakte mandir se

    nāqūs āvāz aatī hai

    kyā ab bhī muqaddas masjid par

    mastāna azaañ tharrātī hai

    aur shaam ke rañgīñ sāyoñ par

    azmat jhalak chhā jaatī hai

    o des se aane vaale batā

    o des se aane vaalā batā

    kyā ab bhī vahāñ ke panghaT par

    panhāriyāñ paanī bhartī haiñ

    añgḌā.ī naqsha ban ban kar

    sab māthe pe gāgar dhartī haiñ

    aur apne gharoñ ko jaate hue

    hañstī huī चुहलें kartī haiñ

    o des se aane vaale batā

    o des se aane vaale batā

    barsāt ke mausam ab bhī vahāñ

    vaise suhāne hote haiñ

    kyā ab bhī vahāñ ke bāġhoñ meñ

    jhūle aur gaane hote haiñ

    aur duur kahīñ kuchh dekhte

    nau-umr dīvāne hote haiñ

    o des se aane vaale batā

    o des se aane vaale batā

    kyā ab bhī pahāḌī choTiyoñ par

    barsāt ke bādal chhāte haiñ

    kyā ab bhī havā-e-sāhil ke

    vo ras bhare jhoñke aate haiñ

    aur sab se ūñchī Tīkrī par

    log ab bhī tarāne gaate haiñ

    o des se aane vaale batā

    o des se aane vaale batā

    kyā ab bhī pahāḌī ghāTiyoñ meñ

    ghanghor ghaTā.eñ gūñjtī haiñ

    sāhil ke ghanere peḌoñ meñ

    barkhā havā.eñ gūñjtī haiñ

    jheñgur ke tarāne jāgte haiñ

    moroñ sadā.eñ gūñjtī haiñ

    o des se aane vaale batā

    o des se aane vaale batā

    kyā ab bhī vahāñ meloñ meñ vahī

    barsāt jauban hotā hai

    phaile hue baḌ shāḳhoñ meñ

    jhūloñ nasheman hotā hai

    umDe hue bādal hote haiñ

    chhāyā huā sāvan hotā hai

    o des se aane vaale batā

    o des se aane vaale batā

    kyā shahr ke gird ab bhī hai ravāñ

    dariyā-e-hasīñ lahrā.e hue

    juuñ god meñ apne man ko liye

    nāgin ho koī tharrā.e hue

    nuur hañsulī huur gardan

    meñ ho ayaañ bil khaa.e hue

    o des se aane vaale batā

    o des se aane vaale batā

    kyā ab bhī fazā ke dāman meñ

    barkhā ke samay lahrāte haiñ

    kyā ab bhī kanār-e-dariyā par

    tūfān ke jhoñke aate haiñ

    kyā ab bhī añdherī rātoñ meñ

    mallāh tarāne gaate haiñ

    o des se aane vaale batā

    o des se aane vaale batā

    kyā ab bhī vahāñ barsāt ke din

    bāġhoñ meñ bahāreñ aatī haiñ

    ma.asūm o hasīñ doshīzā.eñ

    barkhā ke tarāne gaatī haiñ

    aur tītriyoñ tarah se rañgīñ

    jhūloñ par lahrātī haiñ

    o des se aane vaale batā

    o des se aane vaale batā

    kyā ab bhī ufuq ke siine par

    shādāb ghaTā.eñ jhūmtī haiñ

    dariyā ke kināre bāġhoñ meñ

    mastāna havā.eñ jhūmtī haiñ

    aur un ke nashīle jhoñkoñ se

    ḳhāmosh fazā.eñ jhūmtī haiñ

    o des se aane vaale batā

    o des se aane vaale batā

    kyā shaam ko ab bhī jaate haiñ

    ahbāb kanār-e-dariyā par

    vo peḌ ghanere ab bhī haiñ

    shādāb kanār-e-dariyā par

    aur pyaar se aa kar jhāñktā hai

    mahtāb kanār-e-dariyā par

    o des se aane vaale batā

    o des se aane vaale batā

    kyā aam ke ūñche peḌoñ par

    ab bhī vo papīhe bolte haiñ

    shāḳhoñ ke harīrī pardoñ meñ

    naġhmoñ ke ḳhazāne gholte haiñ

    sāvan ke rasīle gītoñ se

    tālāb meñ amras gholte haiñ

    o des se aane vaale batā

    o des se aane vaale batā

    kyā pahlī hai ma.asūm abhī

    vo madrase shādāb fazā

    kuchh bhūle hue din guzre haiñ

    jis meñ vo misāl-e-ḳhvāb fazā

    vo khel vo ham-sin vo maidāñ

    vo ḳhvāb-gah-e-mahtāb fazā

    o des se aane vaale batā

    o des se aane vaale batā

    kyā ab bhī kisī ke siine meñ

    baaqī hai hamārī chaah batā

    kyā yaad hameñ bhī kartā hai

    ab yāroñ meñ koī aah batā

    o des se aane vaale batā

    lillāh batā lillāh batā

    o des se aane vaale batā

    o des se aane vaale batā

    kyā ham ko vatan ke bāġhoñ

    mastāna fazā.eñ bhuul ga.iiñ

    barkhā bahāreñ bhuul ga.iiñ

    sāvan ghaTā.eñ bhuul ga.iiñ

    dariyā ke kināre bhuul ga.e

    jañgal havā.eñ bhuul ga.iiñ

    o des se aane vaale batā

    o des se aane vaale batā

    kyā gaañv meñ ab bhī vaisī

    mastī-bharī rāteñ aatī haiñ

    dehāt kamsin māh-vasheñ

    tālāb jānib jaatī haiñ

    aur chāñd saada raushnī meñ

    rañgīn tarāne gaatī haiñ

    o des se aane vaale batā

    o des se aane vaale batā

    kyā ab bhī gajar-dam charvāhe

    revaḌ ko churāne jaate haiñ

    aur shaam ke dhuñdle sāyoñ ke

    hamrāh gharoñ ko aate haiñ

    aur apnī rasīlī bāñsuriyoñ

    meñ ishq ke naġhme gaate haiñ

    o des se aane vaale batā

    o des se aane vaale batā

    kyā gaañv pe ab bhī sāvan meñ

    barkhā bahāreñ chhātī haiñ

    ma.asūm gharoñ se bhor-bhai.e

    chakkī sadā.eñ aatī haiñ

    aur yaad meñ apne maike

    bichhḌī huī sakhiyāñ gaatī haiñ

    o des se aane vaale batā

    o des se aane vaale batā

    dariyā vo ḳhvāb-ālūda ghaaT

    aur us fazā.eñ kaisī haiñ

    vo gaañv vo manzar vo tālāb

    aur us havā.eñ kaisī haiñ

    vo khet vo jañgal vo chiḌiyāñ

    aur un sadā.eñ kaisī haiñ

    o des se aane vaale batā

    o des se aane vaale batā

    kyā ab bhī purāne khañDaroñ par

    tārīḳh ibrat taarī hai

    annpūrnā ke ujḌe mandir par

    māyūsī-o-hasrat taarī hai

    sunsān gharoñ par chhāvnī ke

    vīrānī o riqqat taarī hai

    o des se aane vaale batā

    o des se aane vaale batā

    āḳhir meñ ye hasrat hai ki batā

    vo ġhārat-e-īmāñ kaisī hai

    bachpan meñ jo aafat Dhātī thī

    vo āfat-e-daurāñ kaisī hai

    ham donoñ the jis ke parvāne

    vo sham-e-shabistāñ kaisī hai

    o des se aane vaale batā

    o des se aane vaale batā

    marjāna thā jis naam batā

    vo ġhuncha-dahan kis haal meñ hai

    jis par the fidā tiflān-e-vatan

    vo jān-e-vatan kis haal meñ hai

    vo sarv-e-chaman vo rashk-e-saman

    vo sīm-badan kis haal meñ hai

    o des se aane vaale batā

    o des se aane vaale batā

    kyā ab bhī ruḳh-e-gulrang pe vo

    jannat ke nazāre raushan haiñ

    kyā ab bhī rasīlī āñkhoñ meñ

    sāvan ke sitāre raushan haiñ

    o des se aane vaale batā

    o des se aane vaale batā

    kyā ab bhī shahābī aariz par

    gesū-e-siyah bil khāte haiñ

    bahr-e-shafaq maujoñ par

    do naag paḌe lahrāte haiñ

    aur jin jhalak se sāvan

    rātoñ ke sapne aate haiñ

    o des se aane vaale batā

    o des se aane vaale batā

    ab nām-e-ḳhudā hogī vo javāñ

    maike meñ hai sasurāl ga.ī

    doshīza hai aafat meñ use

    kam-baḳht javānī Daal ga.ī

    ghar par rahī ghar se ga.ī

    ḳhush-hāl rahī ḳhush-hāl ga.ī

    o des se aane vaale batā

    o des se aane wala hai bata

    o des se aane wale bata

    kis haal mein hain yaran-e-watan

    aawara-e-ghurbat ko bhi suna

    kis rang mein hai kanan-e-watan

    wo bagh-e-watan firdaus-e-watan

    wo sarw-e-watan raihan-e-watan

    o des se aane wale bata

    o des se aane wale bata

    kya ab bhi wahan ke baghon mein

    mastana hawaen aati hain

    kya ab bhi wahan ke parbat par

    ghanghor ghaTaen chhati hain

    kya ab bhi wahan ki barkhaen

    waise hi dilon ko bhati hain

    o des se aane wale bata

    o des se aane wale bata

    kya ab bhi watan mein waise hi

    sarmast nazare hote hain

    kya ab bhi suhani raaton ko

    wo chand sitare hote hain

    hum khel jo khela karte the

    kya ab wahi sare hote hain

    o des se aane wale bata

    o des se aane wale bata

    kya ab bhi shafaq ke sayon mein

    din raat ke daman milte hain

    kya ab bhi chaman mein waise hi

    KHush-rang shagufe khilte hain

    barsati hawa ki lahron se

    bhige hue paude hilte hain

    o des se aane wale bata

    o des se aane wale bata

    shadab-o-shagufta phulon se

    mamur hain gulzar ab ki nahin

    bazar mein malan lati hai

    phulon ke gundhe haar ab ki nahin

    aur shauq se TuTe paDte hain

    nau-umr KHaridar ab ki nahin

    o des se aane wale bata

    o des se aane wale bata

    kya sham paDe galiyon mein wahi

    dilchasp andhera hota hai

    aur saDkon ki dhundli shamon par

    sayon ka basera hota hai

    baghon ki ghaneri shaKHon mein

    jis tarah sawera hota hai

    o des se aane wale bata

    o des se aane wale bata

    kya ab bhi wahan waisi hi jawan

    aur madh-bhari raaten hoti hain

    kya raat bhar ab bhi giton ki

    aur pyar ki baaten hoti hain

    wo husn ke jadu chalte hain

    wo ishq ki ghaten hoti hain

    o des se aane wale bata

    o des se aane wale bata

    miraniyon ke aaghosh mein hai

    aabaad wo bazar ab ki nahin

    talwaren baghal mein dabe hue

    phirte hain trahdar ab ki nahin

    aur bahliyon mein se jhankte hain

    turkan-e-siyah-kar ab ki nahin

    o des se aane wale bata

    o des se aane wale bata

    kya ab bhi mahakte mandir se

    naqus ki aawaz aati hai

    kya ab bhi muqaddas masjid par

    mastana azan tharraati hai

    aur sham ke rangin sayon par

    azmat ki jhalak chha jati hai

    o des se aane wale bata

    o des se aane wala bata

    kya ab bhi wahan ke panghaT par

    panhaariyan pani bharti hain

    angDai ka naqsha ban ban kar

    sab mathe pe gagar dharti hain

    aur apne gharon ko jate hue

    hansti hui चुहलें karti hain

    o des se aane wale bata

    o des se aane wale bata

    barsat ke mausam ab bhi wahan

    waise hi suhane hote hain

    kya ab bhi wahan ke baghon mein

    jhule aur gane hote hain

    aur dur kahin kuchh dekhte hi

    nau-umr diwane hote hain

    o des se aane wale bata

    o des se aane wale bata

    kya ab bhi pahaDi choTiyon par

    barsat ke baadal chhate hain

    kya ab bhi hawa-e-sahil ke

    wo ras bhare jhonke aate hain

    aur sab se unchi Tikri par

    log ab bhi tarane gate hain

    o des se aane wale bata

    o des se aane wale bata

    kya ab bhi pahaDi ghaTiyon mein

    ghanghor ghaTaen gunjti hain

    sahil ke ghanere peDon mein

    barkha ki hawaen gunjti hain

    jhengur ke tarane jagte hain

    moron ki sadaen gunjti hain

    o des se aane wale bata

    o des se aane wale bata

    kya ab bhi wahan melon mein wahi

    barsat ka jauban hota hai

    phaile hue baD ki shaKHon mein

    jhulon ka nasheman hota hai

    umDe hue baadal hote hain

    chhaya hua sawan hota hai

    o des se aane wale bata

    o des se aane wale bata

    kya shahr ke gird ab bhi hai rawan

    dariya-e-hasin lahrae hue

    jun god mein apne man ko liye

    nagin ho koi tharrae hue

    ya nur ki hansuli hur ki gardan

    mein ho ayan bil khae hue

    o des se aane wale bata

    o des se aane wale bata

    kya ab bhi faza ke daman mein

    barkha ke samay lahraate hain

    kya ab bhi kanar-e-dariya par

    tufan ke jhonke aate hain

    kya ab bhi andheri raaton mein

    mallah tarane gate hain

    o des se aane wale bata

    o des se aane wale bata

    kya ab bhi wahan barsat ke din

    baghon mein bahaaren aati hain

    masum o hasin doshizaen

    barkha ke tarane gati hain

    aur titriyon ki tarah se rangin

    jhulon par lahraati hain

    o des se aane wale bata

    o des se aane wale bata

    kya ab bhi ufuq ke sine par

    shadab ghaTaen jhumti hain

    dariya ke kinare baghon mein

    mastana hawaen jhumti hain

    aur un ke nashile jhonkon se

    KHamosh fazaen jhumti hain

    o des se aane wale bata

    o des se aane wale bata

    kya sham ko ab bhi jate hain

    ahbab kanar-e-dariya par

    wo peD ghanere ab bhi hain

    shadab kanar-e-dariya par

    aur pyar se aa kar jhankta hai

    mahtab kanar-e-dariya par

    o des se aane wale bata

    o des se aane wale bata

    kya aam ke unche peDon par

    ab bhi wo papihe bolte hain

    shaKHon ke hariri pardon mein

    naghmon ke KHazane gholte hain

    sawan ke rasile giton se

    talab mein amras gholte hain

    o des se aane wale bata

    o des se aane wale bata

    kya pahli si hai masum abhi

    wo madrase ki shadab faza

    kuchh bhule hue din guzre hain

    jis mein wo misal-e-KHwab faza

    wo khel wo ham-sin wo maidan

    wo KHwab-gah-e-mahtab faza

    o des se aane wale bata

    o des se aane wale bata

    kya ab bhi kisi ke sine mein

    baqi hai hamari chah bata

    kya yaad hamein bhi karta hai

    ab yaron mein koi aah bata

    o des se aane wale bata

    lillah bata lillah bata

    o des se aane wale bata

    o des se aane wale bata

    kya hum ko watan ke baghon ki

    mastana fazaen bhul gain

    barkha ki bahaaren bhul gain

    sawan ki ghaTaen bhul gain

    dariya ke kinare bhul gae

    jangal ki hawaen bhul gain

    o des se aane wale bata

    o des se aane wale bata

    kya ganw mein ab bhi waisi hi

    masti-bhari raaten aati hain

    dehat ki kamsin mah-washen

    talab ki jaanib jati hain

    aur chand ki sada raushni mein

    rangin tarane gati hain

    o des se aane wale bata

    o des se aane wale bata

    kya ab bhi gajar-dam charwahe

    rewaD ko churane jate hain

    aur sham ke dhundle sayon ke

    hamrah gharon ko aate hain

    aur apni rasili bansuriyon

    mein ishq ke naghme gate hain

    o des se aane wale bata

    o des se aane wale bata

    kya ganw pe ab bhi sawan mein

    barkha ki bahaaren chhati hain

    masum gharon se bhor-bhaie

    chakki ki sadaen aati hain

    aur yaad mein apne maike ki

    bichhDi hui sakhiyan gati hain

    o des se aane wale bata

    o des se aane wale bata

    dariya ka wo KHwab-aluda sa ghaT

    aur us ki fazaen kaisi hain

    wo ganw wo manzar wo talab

    aur us ki hawaen kaisi hain

    wo khet wo jangal wo chiDiyan

    aur un ki sadaen kaisi hain

    o des se aane wale bata

    o des se aane wale bata

    kya ab bhi purane khanDaron par

    tariKH ki ibrat tari hai

    annpurna ke ujDe mandir par

    mayusi-o-hasrat tari hai

    sunsan gharon par chhawni ke

    virani o riqqat tari hai

    o des se aane wale bata

    o des se aane wale bata

    aaKHir mein ye hasrat hai ki bata

    wo ghaarat-e-iman kaisi hai

    bachpan mein jo aafat Dhati thi

    wo aafat-e-dauran kaisi hai

    hum donon the jis ke parwane

    wo sham-e-shabistan kaisi hai

    o des se aane wale bata

    o des se aane wale bata

    marjaana tha jis ka nam bata

    wo ghuncha-dahan kis haal mein hai

    jis par the fida tiflan-e-watan

    wo jaan-e-watan kis haal mein hai

    wo sarw-e-chaman wo rashk-e-saman

    wo sim-badan kis haal mein hai

    o des se aane wale bata

    o des se aane wale bata

    kya ab bhi ruKH-e-gulrang pe wo

    jannat ke nazare raushan hain

    kya ab bhi rasili aankhon mein

    sawan ke sitare raushan hain

    o des se aane wale bata

    o des se aane wale bata

    kya ab bhi shahabi aariz par

    gesu-e-siyah bil khate hain

    ya bahr-e-shafaq ki maujon par

    do nag paDe lahraate hain

    aur jin ki jhalak se sawan ki

    raaton ke sapne aate hain

    o des se aane wale bata

    o des se aane wale bata

    ab nam-e-KHuda hogi wo jawan

    maike mein hai ya sasural gai

    doshiza hai ya aafat mein use

    kam-baKHt jawani Dal gai

    ghar par hi rahi ya ghar se gai

    KHush-haal rahi KHush-haal gai

    o des se aane wale bata

    Videos
    This video is playing from YouTube

    Videos
    This video is playing from YouTube

    Syed Nasir Jahan

    Syed Nasir Jahan

    Abida Parveen

    Abida Parveen

    RECITATIONS

    Hamida Chopra

    Hamida Chopra,

    Hamida Chopra

    o des se aane vaale bataa Hamida Chopra

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now