pagal aurat

Sahba Akhtar

pagal aurat

Sahba Akhtar

MORE BYSahba Akhtar

    ek javān aur dīvānī aurat ko

    maiñ ne saḌak par aksar ghūmte dekhā hai

    gaah kisī saa.e taraf masrūf-e-ḳhirām

    aur kabhī vahshat meñ jhūmte dekhā hai

    us surḳh āñkhoñ meñ pāgal-pan ke sivā

    aur bhī kuchh hai jis koī naam nahīñ

    ik aisī bedārī us par taarī hai

    jis ke muqaddar meñ ab koī shaam nahīñ

    us ke patthar jaise chup-chup chehre par

    ik sañgīn udāsī nāchtī rahtī hai!

    us soī soī gahrī palkoñ meñ

    rātoñ tārīkī jāgtī rahtī hai!

    us ke māthe par bikhrī zulfoñ dhuāñ

    jaise ḳhatm na hone vaalā chāñd gahan

    kyā jaane kis aañkh se TuuTā taarā hai

    kyā jaane kis sūraj āvāra kiran

    kyā jaane kis beTī hai kis bahan

    kyā jaane kis baap dil kis maañ nuur

    ek bagūla apne vīrāne se judā

    ek bhaTaktī ruuh apne marqad se duur

    vo fōtpath pe aur kabhī shahrāhoñ par

    kyā jaane kis dhun meñ tanhā phirtī hai

    shab ko āḳhir bār-e-masāfat se thak kar

    kyā jaane kis goshe meñ girtī hai

    koī sharī.at jis se nahīñ le saktī hisāb

    jis dil nekī se ḳhālī hai

    jaane kis sag-zāda ḳhabāsat ke hāthoñ

    ab vo bachche maañ banñe vaalī hai!

    ek jawan si aur diwani aurat ko

    main ne saDak par aksar ghumte dekha hai

    gah kisi sae ki taraf masruf-e-KHiram

    aur kabhi wahshat mein jhumte dekha hai

    us ki surKH aankhon mein pagal-pan ke siwa

    aur bhi kuchh hai jis ka koi nam nahin

    ek aisi bedari us par tari hai

    jis ke muqaddar mein ab koi sham nahin

    us ke patthar jaise chup-chup chehre par

    ek sangin udasi nachti rahti hai!

    us ki soi soi gahri palkon mein

    raaton ki tariki jagti rahti hai!

    us ke mathe par bikhri zulfon ka dhuan

    jaise KHatm na hone wala chand gahan

    kya jaane kis aankh se TuTa tara hai

    kya jaane kis suraj ki aawara kiran

    kya jaane kis ki beTi hai kis ki bahan

    kya jaane kis bap ka dil kis man ka nur

    ek bagula apne virane se juda

    ek bhaTakti ruh apne marqad se dur

    wo footpath pe aur kabhi shahrahon par

    kya jaane kis dhun mein tanha phirti hai

    shab ko aaKHir bar-e-masafat se thak kar

    kya jaane kis goshe mein ja girti hai

    koi shariat jis se nahin le sakti hisab

    jis ka dil neki se KHali hai

    jaane kis sag-zada KHabasat ke hathon

    ab wo bachche ki man banne wali hai!

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY