pahla wali

kahā kisī ne aadmī haiñ ham

hamāre dam se hai zamīñ pe zindagī kā nuur

zamīñ pe ham ne āsmāñ ke pā liye rumūz

ye kahkashā.eñ haiñ hamāre rāste kī dhuul

hamārā paañv chāñd kī jabīñ kā iftiḳhār

hamāre sar uThe ye faḳhr-o-imbisāt

tumhīñ kaho ki aadmī haiñ ham

nahīñ tum aadmī nahīñ

abhī to tum daraḳht ke maqām par bhī aa sake nahīñ ḳhizāñ kā imtihān ho to sab daraḳht sar jhukā.e sogvār haiñ

agar bahār luuT le to sab ke sab shagūfe deñ magar jhuke hue

charind aur parind kī āmājgāh daraḳht

bechain jism-o-jān kī 'ilāj-gāh daraḳht

aur ek tum ki apne ham-nashīn kā hī chhīnte ho rizq

agar ho bebasī to phir kisī ke haath meñ vahī

kulhāḌā sauñp kar tamāshā dekhte ho yuuñ

ki jaise dekhte nahīñ

nahīñ tum aadmī nahīñ

abhī to tum daraḳht ke maqām par bhī aa sake nahīñ

kaha kisi ne aadmi hain hum

hamare dam se hai zamin pe zindagi ka nur

zamin pe hum ne aasman ke pa liye rumuz

ye kahkashaen hain hamare raste ki dhul

hamara panw chand ki jabin ka iftiKHar

hamare sar uThe ye faKHr-o-imbisat

tumhin kaho ki aadmi hain hum

nahin tum aadmi nahin

abhi to tum daraKHt ke maqam par bhi aa sake nahin KHizan ka imtihan ho to sab daraKHt sar jhukae sogwar hain

agar bahaar luT le to sab ke sab shagufe den magar jhuke hue

charind aur parind ki aamajgah daraKHt

bechain jism-o-jaan ki 'ilaj-gah daraKHt

aur ek tum ki apne ham-nashin ka hi chhinte ho rizq

agar ho bebasi to phir kisi ke hath mein wahi

kulhaDa saunp kar tamasha dekhte ho yun

ki jaise dekhte nahin

nahin tum aadmi nahin

abhi to tum daraKHt ke maqam par bhi aa sake nahin