پہلے فن دست و گریباں ہیں کراں تا بہ کراں

نصرت مہدی

پہلے فن دست و گریباں ہیں کراں تا بہ کراں

نصرت مہدی

MORE BY نصرت مہدی

    پہلے فن دست و گریباں ہیں کراں تا بہ کراں

    سرنگوں بیٹھی ہوئی ہے خاک پر اردو زباں

    کشتیٔ اردو زباں کے ناخداؤ کیا ہوا

    علم و فن شعر و سخن کے رہنماؤ کیا ہوا

    کیا ہوئی وہ عظمتیں کچھ تو بتاؤ کیا ہوا

    پیچھے ہٹتی جا رہی کیوں صف چاراگراں

    سرنگوں بیٹھی ہوئی ہے خاک پر اردو زباں

    دیکھیے جس کو بھی اب تو ہم سر غالب ہے وہ

    شاعر اعظم ہے اور اعزاز کا طالب ہے وہ

    ہے غلط گو پھر بھی ہر اک صنف میں صائب ہے وہ

    لکھ رہا ہے خود ہی اپنی عظمتوں کی داستاں

    سرنگوں بیٹھی ہوئی ہے خاک پر اردو زباں

    نمبروں سے اور گوشوں سے رسائل بھر گئے

    اس زوال علم سے خود علم والے ڈر گئے

    نقل نے بازار لوٹا اصل اپنے گھر گئے

    بے ادب لوگوں نے کھولی ہے ادب کی اک دکاں

    سرنگوں بیٹھی ہوئی ہے خاک پر اردو زباں

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY