pahle mausam ke baad

janm kā pahlā dev-mālā.ī mausam guzar gayā

aur tum ruk ga.e

āḳhirī qadam ke aage dīvār kī īñTeñ chunte chunte raat ho ga.ī

to maiñ ne sochā

jaane zanjīroñ kā tuul kaun se mausam se kaun se mausam tak hai

magar aage sirf lā-mahdūdiat hai yā phir dīvār

jis kī īñToñ kā gaarā vaqt kī miTTī se banā hai

tanhā.ī kā paanī āḳhirī qadam ke aage dīvār ko mazbūt kar detā hai

to achānak raat apnā sar uThātī hai

tumheñ nahīñ mālūm

saañp Dasne se pahle kitnī der phan phailā.e khaḌā rahā

aur tum kahāñ ruke the

aur apne aage dīvār kī bulandī ke sāmne

tumheñ kuchh nahīñ mālūm

sirf ek baat ke sivā

ki har janm kā sirf ek hī dev-mālā.ī mausam hotā hai

janm ka pahla dew-malai mausam guzar gaya

aur tum ruk gae

aaKHiri qadam ke aage diwar ki inTen chunte chunte raat ho gai

to main ne socha

jaane zanjiron ka tul kaun se mausam se kaun se mausam tak hai

magar aage sirf la-mahdudiat hai ya phir diwar

jis ki inTon ka gara waqt ki miTTi se bana hai

tanhai ka pani aaKHiri qadam ke aage diwar ko mazbut kar deta hai

to achanak raat apna sar uThati hai

tumhein nahin malum

sanp Dasne se pahle kitni der phan phailae khaDa raha

aur tum kahan ruke the

aur apne aage diwar ki bulandi ke samne

tumhein kuchh nahin malum

sirf ek baat ke siwa

ki har janm ka sirf ek hi dew-malai mausam hota hai