pahle to shahr aisa na tha

Ain Tabish

pahle to shahr aisa na tha

Ain Tabish

MORE BYAin Tabish

    ik baar chal kar dekh leñ

    shāyad guzishta mausamoñ koī ik

    dhundlā nishāñ mil jaa.e

    aur phir se fazā shādāb ho

    ujḌā huā ik ḳhvāb ho

    tasvīr meñ kuchh gard-bād-e-bāqiyāt-e-mimbar-o-mehrāb ho

    ik baar chal kar dekh leñ

    phir band hote shahr ke bāzār ko

    jhāñkeñ zarā

    ujḌī dukānoñ meñ

    kulāh o jubba o dastār ko

    ik shahr-e-tāza-kār ko kuchh der bhūleñ

    aur us ko silvaToñ meñ

    DhūñDeñ ik khoī huī tasvīr ko

    tasvīr meñ kuchh bāqiyāt-e-mimbar-o-mehrāb haiñ

    kuchh jalva-hā-e-ahd-e-ālam-tāb haiñ

    vo laash jo kuchlī ga.ī

    vo ḳhvāb jo rauñde ga.e

    vo naam jo bhūle ga.e

    in silvaToñ meñ dafn

    kitnī barkatoñ ke raaz haiñ

    ik baar chal kar dekh leñ

    pahle to shahr aisā na thā

    ek bar chal kar dekh len

    shayad guzishta mausamon ka koi ek

    dhundla nishan mil jae

    aur phir se faza shadab ho

    ujDa hua ek KHwab ho

    taswir mein kuchh gard-baad-e-baqiyat-e-mimbar-o-mehrab ho

    ek bar chal kar dekh len

    phir band hote shahr ke bazar ko

    jhanken zara

    ujDi dukanon mein

    kulah o jubba o dastar ko

    ek shahr-e-taza-kar ko kuchh der bhulen

    aur us ko silwaTon mein

    DhunDen ek khoi hui taswir ko

    taswir mein kuchh baqiyat-e-mimbar-o-mehrab hain

    kuchh jalwa-ha-e-ahd-e-alam-tab hain

    wo lash jo kuchli gai

    wo KHwab jo raunde gae

    wo nam jo bhule gae

    in silwaTon mein dafn

    kitni barkaton ke raaz hain

    ek bar chal kar dekh len

    pahle to shahr aisa na tha

    Source :
    • Book : dasht ajab hairanii ka shayar (Pg. 69)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY