aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pand-nama

Josh Malihabadi

pand-nama

Josh Malihabadi

MORE BYJosh Malihabadi

    Interesting Fact

    Josh, in his Nazm 'Pand-Nama', exhorts Majaz to abstain from excessive drinking. A rakish poet like Majaz, too, replied to Josh's Nazm by way of his Nazm 'Ba-Jawaab-e-Pand-Naama'. A funny anecdote is also related to this episode, Josh said to Majaz, 'Drink as you wish, but keep a watch (GhaDi) in front of you, to which Majaz instantly replied, 'I drink, but keeping a pot (GhaDa) afront'!

    ai majāz ai tarāna-bār majāz

    zinda paiġhambar-e-bahār majāz

    ai barū-e-saman-vishāñ gul-posh

    ai ba kū-e-muġhāñ tamām ḳharosh

    ai parastār-e-mah-ruḳhān-e-jahāñ

    ai kamāñ-dār-e-shā.irān-e-javāñ

    tujh se tābāñ jabīn-e-mustaqbil

    ai mire sīna-e-umīd ke dil

    ai majāz ai mubassir-e-ḳhad-o-ḳhāl

    ai shu.ūr-e-jamāl o sham-e-ḳhayāl

    ai surayyā-fareb o zohra-navāz

    shā.ir-e-mast o rind-e-shāhid-bāz

    nāqid-e-ishva-e-shabāb hai

    sub.h-e-fardā āftāb hai

    tujh ko aayā huuñ aaj samjhāne

    haif hai agar burā maane

    ḳhud ko ġharq-e-sharāb-e-nāb na kar

    dekh apne ko yuuñ ḳharāb na kar

    shā.irī ko tirī zarūrat hai

    daur-e-fardā amānat hai

    sirf terī bhalā.ī ko ai jaañ

    ban ke aayā huuñ nāseh-e-nādāñ

    ek Thahrāv ik takān hai

    dekh kis darja dhān-pān hai

    nañg hai mahz ustuḳhāñ honā

    saḳht ihānat hai nā-tavāñ honā

    ustuḳhvānī badan duḳhānī post

    ek sañgīn jurm hai ai dost

    sharm baat hai vajūd-e-saqīm

    nā-tavānī hai ik gunāh-e-azīm

    jism aur ilm turfa tāqat hai

    yahī insān nubuvvat hai

    jo za.īf-o-alīl hotā hai

    ishq meñ bhī zalīl hotā hai

    har hunar ko jo ek daulat hai

    ilm aur jism zarūrat hai

    kasrat-e-bāda rañg laatī hai

    aadmī ko lahū rulātī hai

    ḳhush-diloñ ko rulā ke hañstī hai

    sham-e-aḳhtar bujhā ke hañstī hai

    aur jab aafat jigar pe laatī hai

    riñd ko maulvī banātī hai

    mai se hotā hai maqsad-e-dil faut

    mai hai buniyād-e-maulviyyat-o-maut

    kaan meñ sun ye baat hai nashtar

    maulviyyat hai maut se bad-tar

    is se hotā hai kār-e-umr tamām

    is se hotā hai aql ko sarsām

    is meñ insāñ jaan jaatī hai

    is meñ shā.ir aan jaatī hai

    ye zamīn āsmān kyā shai hai

    aan jaa.e to jaan kyā shai hai

    gauhar-e-shāh-vār chun pyāre

    mujh se ik gur baat sun pyāre

    ġham to bantā hai chaar din meñ nashāt

    shādmānī se rah bahut mohtāt

    ġham ke maare to rahe haiñ hazār

    nahīñ bachte haiñ aish ke bīmār

    aan meñ dil ke paar hotī hai

    pañkhuḌī meñ vo dhaar hotī hai

    jū-e-ishrat meñ ġham ke dhāre haiñ

    yaḳh-o-shabnam meñ bhī sharāre haiñ

    haañ sambhal kar latāfatoñ ko barat

    TuuT jaa.e kahīñ na koī parat

    dekh kar shīsha-e-nashāt uThā

    ye varaq hai varaq hai sone

    kāġhaz-e-bād ye nagīna hai

    balki ai dost ābgīna hai

    sāġhar-e-shabnam-e-ḳhush-āb hai ye

    ābgīna nahīñ habāb hai ye

    rok le saañs jo qarīb aa.e

    Thes us ko kahīñ na lag jaa.e

    teġh-e-mastī ko ehtiyāt se chhū

    varna Tapkegā uñgliyoñ se lahū

    mastiyoñ meñ hai tāb-e-jalva-e-māh

    aur siyah mastiyāñ ḳhudā panāh

    ḳhuub hai ek had pe qaa.em nasha

    halkā phulkā subuk mulā.em nasha

    haañ adab se uThā adab se jaam

    taaki āb-e-halāl ho na harām

    jaam par jaam jo chaḌhāte haiñ

    uuñT tarah bilbilāte haiñ

    zindagī havas meñ marte haiñ

    mai ko rusvā-e-dahr karte haiñ

    yaad hai jab 'jigar' chaḌhāte the

    kyā alif ho ke hin-hināte the

    merī gardan meñ bhar ke chand aaheñ

    paañv se Dālte the vo bāñheñ

    aql maut ilm pastī

    al-amāñ la.anat-e-siyah mastī

    uf ghaTā-Top nashshe tūfān

    bhuut ifrīt dev jin shaitān

    laat ghūñsa chhaḌī chhurī chāqū

    lib-libāhaT luaab kaf badbū

    tanz āvāza barhamī ifsād

    ta.an tashnī.a maz.haka īrād

    shor hū-haq abe-tabe hai hai

    aukhiyāñ gāliyāñ dhamāke qai

    mas-masāhaT ġhashī tapish chakkar

    soz sailāb sansanī sarsar

    chal-chaḳhe chīḳh chunāñ-chunīñ chiñghāḌ

    chaḳh-chaḳhe chā.ūñ chā.ūñ chīl-chilhāḌ

    lappā-Dukki latām laam laḌā.ī

    haul haijān haañk hāthā-pā.ī

    khalbalī kaaoñ kaaoñ khaT-manDal

    hauñk hañgāma hamhama halchal

    uljhan āvārgī udham aiThan

    bhauñk bhauñ bhauñ bhinan bhinan bhan-bhan

    dhaul-dhappā dhakaḌ-pakaḌ dhutkār

    tahlka taḌāq tuf takrār

    bhabhak bhay bikas barar bhauñchāl

    dabdabe dandanāhaTeñ dhammāl

    gaah narmī o lutf o mehr o salām

    gaah talḳhī o turshī o dushnām

    aql maut ilm pastī

    al-amāñ la.anat-e-siyah mastī

    sirf nashshe bhīgne de maseñ

    in ko banñe na de kabhī moñchheñ

    al-amāñ ḳhaufnāk kaalā nasha

    oh rīsh-o-burūt vaalā nasha

    azhdar-e-marg o dev-e-ḳhūñ-ḳhvārī

    al-amāñ nashsha-e-''jaTādhārī''

    nashshe jhuT-puTā hai nūr-e-hayāt

    jhuTpuTe ko banā na kaalī raat

    nashshe tez raushnī bhī ġhalat

    chaudhvīñ chāñdnī bhī ġhalat

    zehn-e-insāñ ko baḳhshtā hai jamāl

    nashsha ho jab ye qadr-e-nūr-e-hilāl

    ġhurfa-e-aql bheḌ to akasr

    par use kach-kachā ke band na kar

    raat ko lutf-e-jām hai pyāre

    din piinā harām hai pyāre

    din hai ifrīt-e-āz khankār

    raat pāzeb nāzukī jhankār

    din hai ḳhāshāk ḳhaak dhuul dhuāñ

    raat ā.īna anjuman afshāñ

    din musallah davāñ kamar basta

    raat tāq-o-ravāq-o-gul-dasta

    din hai faulād-e-sañg teġh-e-alam

    raat kam-ḳhvāb pañkhuḌī shabnam

    din hai shevan duhā.iyāñ dukhḌe

    raat mast añkhḌiyāñ javāñ mukhḌe

    din kaḌī dhuup bad-āhañgī

    raat pichhle pahar sārañgī

    din bahādur baan biir rath

    raat champā-kalī añgūThī nath

    din hai tūfān-e-jumbish-o-raftār

    raat mīzān-e-kākul-o-ruḳhsār

    āftāb-o-sharāb haiñ bairī

    botaleñ din ko haiñ pachhal pairī

    kar na pāmāl hurmat-e-auqāt

    raat ko din banā na din ko raat

    magar sirf shaam ke hañgām

    aur vo bhī ba-qadr-e-yak-do jaam

    vahī insāñ hai ḳhurram-o-ḳhursand

    jo hai miqdār o vaqt pāband

    mere piine par na mirī jaañ

    mujh se jiinā bhī siikh haiñ qurbāñ

    us ke piine meñ rañg aatā hai

    jis ko jiine Dhañg aatā hai

    ye nasā.eh bahut haiñ besh-bahā

    jald so jald jaag jald nahā

    baaġh meñ tulūa se pahle

    nigār-e-sahar se dil bahle

    sarv-o-shamshād ko gale se lagā

    har chaman-zād ko gale se lagā

    muñh añdhere fazā-e-gulshan dekh

    sāhil o sabza-zār o sausan dekh

    gaah āvāra abr-pāre dekh

    in raftār meñ sitāre dekh

    jaise kohre meñ tāb-e-rū-e-nikū

    jaise jañgal meñ raat ko jugnū

    gul muñh chuum ik tarannum se

    nahr ko gudgudā tabassum se

    jism ko kar araq se nam-ālūd

    taaki shabnam paḌhe lahak ke darūd

    pheñk sanjīdgī sar se baar

    naach uchhal dandanā chhalāñgeñ maar

    dekh āb-e-ravāñ ā.īna

    dauḌ sāhil pe taan kar siina

    mast chiḌiyoñ chahchahānā sun

    mauj-e-nau-mashq tarāna sun

    bostāñ meñ sabā chalnā dekh

    sabza o sarv machalnā dekh

    shabnam-ālūd kar suḳhan libās

    chakh dhundalke meñ bū-e-gul miThās

    shā.irī ko khilā havā-e-sahar

    is nafqa hai terī gardan par

    raqs lahr meñ ho gum lab-e-nahr

    yuuñ adā kar urūs-e-sher mahr

    jazb kar bostāñ ke naqsh-o-nigār

    zehan meñ khol misr bāzār

    narm jhoñkoñ āb-e-haivāñ

    bū-e-gul rañg-e-shabnamistāñ

    gun-gunā kar nazar uThā kar

    sub.h shiir daġhdaġha kar

    taaki mujre ko aa.eñ kul barkāt

    daulat jism o ilm o aql o hayāt

    ye na ta.ana na ye ulahnā hai

    ek nukta bas aur kahnā hai

    ġhaibat-e-nūr ho ki kasrat-e-nūr

    zulmat-e-tām ho ki sho.ala-e-tūr

    ek hai vabāl donoñ

    tīrgī hai ma.aal donoñ

    darḳhur-e-sāhab-e-ma.āl nahīñ

    har vo shai jis meñ e'tidāl nahīñ

    shādmānī se nahīñ saktā

    jis ko haukā ho nahīñ saktā

    ai pisar ai barādar ai hamrāz

    ban na is tarah duur āvāz

    koī bīmār tan nahīñ saktā

    ḳhādim-e-ḳhalq ban nahīñ saktā

    ḳhidmat-e-ḳhalq farz hai tujh par

    daur-e-māzī qarz hai tujh par

    asr-e-hāzir ke shā.ir-e-ḳhuddār

    qarz-dārī maut se hoshyār

    zehn-e-insāniyat ubhār ke

    zindagānī qarz utaar ke

    tujh pe hindostān naaz kare

    umr terī ḳhudā darāz kare

    ai majaz ai tarana-bar majaz

    zinda paighambar-e-bahaar majaz

    ai baru-e-saman-wishan gul-posh

    ai ba ku-e-mughan tamam KHarosh

    ai parastar-e-mah-ruKHan-e-jahan

    ai kaman-dar-e-shairan-e-jawan

    tujh se taban jabin-e-mustaqbil

    ai mere sina-e-umid ke dil

    ai majaz ai mubassir-e-KHad-o-KHal

    ai shuur-e-jamal o sham-e-KHayal

    ai surayya-fareb o zohra-nawaz

    shair-e-mast o rind-e-shahid-baz

    naqid-e-ishwa-e-shabab hai tu

    subh-e-farda ka aaftab hai tu

    tujh ko aaya hun aaj samjhane

    haif hai tu agar bura mane

    KHud ko gharq-e-sharab-e-nab na kar

    dekh apne ko yun KHarab na kar

    shairi ko teri zarurat hai

    daur-e-farda ki tu amanat hai

    sirf teri bhalai ko ai jaan

    ban ke aaya hun naseh-e-nadan

    ek Thahraw ek takan hai tu

    dekh kis darja dhan-pan hai tu

    nang hai mahz ustuKHan hona

    saKHt ihanat hai na-tawan hona

    ustuKHwani badan duKHani post

    ek sangin jurm hai ai dost

    sharm ki baat hai wajud-e-saqim

    na-tawani hai ek gunah-e-azim

    jism aur ilm turfa taqat hai

    yahi insan ki nubuwwat hai

    jo zaif-o-alil hota hai

    ishq mein bhi zalil hota hai

    har hunar ko jo ek daulat hai

    ilm aur jism ki zarurat hai

    kasrat-e-baada rang lati hai

    aadmi ko lahu rulati hai

    KHush-dilon ko rula ke hansti hai

    sham-e-aKHtar bujha ke hansti hai

    aur jab aafat jigar pe lati hai

    rind ko maulwi banati hai

    mai se hota hai maqsad-e-dil faut

    mai hai buniyaad-e-maulwiyyat-o-maut

    kan mein sun ye baat hai nashtar

    maulwiyyat hai maut se bad-tar

    is se hota hai kar-e-umr tamam

    is se hota hai aql ko sarsam

    is mein insan ki jaan jati hai

    is mein shair ki aan jati hai

    ye zamin aasman kya shai hai

    aan jae to jaan kya shai hai

    gauhar-e-shah-war chun pyare

    mujh se ek gur ki baat sun pyare

    gham to banta hai chaar din mein nashat

    shadmani se rah bahut mohtat

    gham ke mare to ji rahe hain hazar

    nahin bachte hain aish ke bimar

    aan mein dil ke par hoti hai

    pankhuDi mein wo dhaar hoti hai

    ju-e-ishrat mein gham ke dhaare hain

    yaKH-o-shabnam mein bhi sharare hain

    han sambhal kar latafaton ko barat

    TuT jae kahin na koi parat

    dekh kar shisha-e-nashat uTha

    ye waraq hai waraq hai sone ka

    kaghaz-e-baad ye nagina hai

    balki ai dost aabgina hai

    saghar-e-shabnam-e-KHush-ab hai ye

    aabgina nahin habab hai ye

    rok le sans jo qarib aae

    Thes us ko kahin na lag jae

    tegh-e-masti ko ehtiyat se chhu

    warna Tapkega ungliyon se lahu

    mastiyon mein hai tab-e-jalwa-e-mah

    aur siyah mastiyan KHuda ki panah

    KHub hai ek had pe qaem nasha

    halka phulka subuk mulaem nasha

    han adab se uTha adab se jam

    taki aab-e-halal ho na haram

    jam par jam jo chaDhate hain

    unT ki tarah bilbilate hain

    zindagi ki hawas mein marte hain

    mai ko ruswa-e-dahr karte hain

    yaad hai jab 'jigar' chaDhate the

    kya alif ho ke hin-hinate the

    meri gardan mein bhar ke chand aahen

    panw se Dalte the wo banhen

    aql ki maut ilm ki pasti

    al-aman lanat-e-siyah masti

    uf ghaTa-Top nashshe ka tufan

    bhut ifrit dew jin shaitan

    lat ghunsa chhaDi chhuri chaqu

    lib-libahaT luab kaf badbu

    tanz aawaza barhami ifsad

    tan tashnia mazhaka irad

    shor hu-haq abe-tabe hai hai

    aukhiyan galiyan dhamake qai

    mas-masahaT ghashi tapish chakkar

    soz sailab sansani sarsar

    chal-chaKHe chiKH chunan-chunin chinghaD

    chaKH-chaKHe chaun chaun chil-chilhaD

    lappa-Dukki latam lam laDai

    haul haijaan hank hatha-pai

    khalbali kaon kaon khaT-manDal

    haunk hangama hamhama halchal

    uljhan aawargi udham aiThan

    bhaunk bhaun bhaun bhinan bhinan bhan-bhan

    dhaul-dhappa dhakaD-pakaD dhutkar

    tahlka tu taDaq tuf takrar

    bu bhabhak bhay bikas barar bhaunchaal

    dabdabe dandanahaTen dhammal

    gah narmi o lutf o mehr o salam

    gah talKHi o turshi o dushnam

    aql ki maut ilm ki pasti

    al-aman lanat-e-siyah masti

    sirf nashshe ki bhigne de masen

    in ko banne na de kabhi monchhen

    al-aman KHaufnak kala nasha

    oh rish-o-burut wala nasha

    azhdar-e-marg o dew-e-KHun-KHwari

    al-aman nashsha-e-jaTadhaari

    nashshe ka jhuT-puTa hai nur-e-hayat

    jhuTpuTe ko bana na kali raat

    nashshe ki tez raushni bhi ghalat

    chaudhwin ki si chandni bhi ghalat

    zehn-e-insan ko baKHshta hai jamal

    nashsha ho jab ye qadr-e-nur-e-hilal

    ghurfa-e-aql bheD to akasr

    par use kach-kacha ke band na kar

    raat ko lutf-e-jam hai pyare

    din ka pina haram hai pyare

    din hai ifrit-e-az ki khankar

    raat pazeb nazuki jhankar

    din hai KHashak KHak dhul dhuan

    raat aaina anjuman afshan

    din musallah dawan kamar basta

    raat taq-o-rawaq-o-gul-dasta

    din hai faulad-e-sang tegh-e-alam

    raat kam-KHwab pankhuDi shabnam

    din hai shewan duhaiyan dukhDe

    raat mast ankhDiyan jawan mukhDe

    din kaDi dhup ki bad-ahangi

    raat pichhle pahar ki sarangi

    din bahadur ka ban bir ki rath

    raat champa-kali anguThi nath

    din hai tufan-e-jumbish-o-raftar

    raat mizan-e-kakul-o-ruKHsar

    aaftab-o-sharab hain bairi

    botalen din ko hain pachhal pairi

    kar na pamal hurmat-e-auqat

    raat ko din bana na din ko raat

    pi magar sirf sham ke hangam

    aur wo bhi ba-qadr-e-yak-do jam

    wahi insan hai KHurram-o-KHursand

    jo hai miqdar o waqt ka paband

    mere pine hi par na ja meri jaan

    mujh se jina bhi sikh hain qurban

    us ke pine mein rang aata hai

    jis ko jine ka Dhang aata hai

    ye nasaeh bahut hain besh-baha

    jald so jald jag jald naha

    bagh mein ja tulua se pahle

    ta nigar-e-sahar se dil bahle

    sarw-o-shamshad ko gale se laga

    har chaman-zad ko gale se laga

    munh andhere faza-e-gulshan dekh

    sahil o sabza-zar o sausan dekh

    gah aawara abr-pare dekh

    in ki raftar mein sitare dekh

    jaise kohre mein tab-e-ru-e-niku

    jaise jangal mein raat ko jugnu

    gul ka munh chum ek tarannum se

    nahr ko gudguda tabassum se

    jism ko kar araq se nam-alud

    taki shabnam paDhe lahak ke darud

    phenk sanjidgi ka sar se bar

    nach uchhal dandana chhalangen mar

    dekh aab-e-rawan ka aaina

    dauD sahil pe tan kar sina

    mast chiDiyon ka chahchahana sun

    mauj-e-nau-mashq ka tarana sun

    bostan mein saba ka chalna dekh

    sabza o sarw ka machalna dekh

    shabnam-alud kar suKHan ka libas

    chakh dhundalke mein bu-e-gul ki miThas

    shairi ko khila hawa-e-sahar

    is ka nafqa hai teri gardan par

    raqs ki lahr mein ho gum lab-e-nahr

    yun ada kar urus-e-sher ka mahr

    jazb kar bostan ke naqsh-o-nigar

    zehan mein khol misr ka bazar

    narm jhonkon ka aab-e-haiwan pi

    bu-e-gul rang-e-shabnamistan pi

    gun-guna kar nazar uTha kar pi

    subh ka shir daghdagha kar pi

    taki mujre ko aaen kul barkat

    daulat jism o ilm o aql o hayat

    ye na tana na ye ulahna hai

    ek nukta bas aur kahna hai

    ghaibat-e-nur ho ki kasrat-e-nur

    zulmat-e-tam ho ki shoala-e-tur

    ek sa hai wabaal donon ka

    tirgi hai maal donon ka

    darKHur-e-sahab-e-maal nahin

    har wo shai jis mein e'tidal nahin

    shadmani se pi nahin sakta

    jis ko hauka ho ji nahin sakta

    ai pisar ai baradar ai hamraaz

    ban na is tarah dur ki aawaz

    koi bimar tan nahin sakta

    KHadim-e-KHalq ban nahin sakta

    KHidmat-e-KHalq farz hai tujh par

    daur-e-mazi ka qarz hai tujh par

    asr-e-hazir ke shair-e-KHuddar

    qarz-dari ki maut se hoshyar

    zehn-e-insaniyat ubhaar ke ja

    zindagani ka qarz utar ke ja

    tujh pe hindostan naz kare

    umr teri KHuda daraaz kare

    Source:

    Intikhab-e-Josh (Pg. ebook-150 page-151)

    • Author: Josh Malihabadi
      • Publisher: Kitab Mahal, Allahabad
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now