pankh

mohabbat pankh detī hai

mohabbat ruuh kī sāthī

mohabbat āsmānī shai

jise dāman meñ letī hai

use parvāz detī hai

kabhī qaidī nahīñ rakhtī

mohabbat pankh detī hai

mohabbat ham bhī karte haiñ

ye ulfat ham bhī rakhte haiñ

to ye dil kā taqāzā hai

ki terī ruuh merī chāhatoñ

ke āsmānoñ meñ

sadā āzād rah paa.e

mirī chaukhaT pe gar aa.e

to apne soz meñ aa.e

mirī āñkhoñ meñ gar jhāñke

to apnī zaat na kho.e

hameñ tum se mohabbat hai

tumheñ ham pankh dete haiñ

tumheñ āzād karte haiñ

karo parvāz merī jaañ

mirī ulfat ke dāman meñ

hazāroñ āsmānoñ kī masāfat

raah taktī hai

mohabbat pankh detī hai

tumheñ ham pankh dete haiñ

mohabbat pankh deti hai

mohabbat ruh ki sathi

mohabbat aasmani shai

jise daman mein leti hai

use parwaz deti hai

kabhi qaidi nahin rakhti

mohabbat pankh deti hai

mohabbat hum bhi karte hain

ye ulfat hum bhi rakhte hain

to ye dil ka taqaza hai

ki teri ruh meri chahaton

ke aasmanon mein

sada aazad rah pae

meri chaukhaT pe gar aae

to apne soz mein aae

meri aankhon mein gar jhanke

to apni zat na khoe

hamein tum se mohabbat hai

tumhein hum pankh dete hain

tumhein aazad karte hain

karo parwaz meri jaan

meri ulfat ke daman mein

hazaron aasmanon ki masafat

rah takti hai

mohabbat pankh deti hai

tumhein hum pankh dete hain