پرچھائیاں
کیوں نہ اب تم سے تصور میں کروں بات سنو تم سے یہ کہنا ہے مجھے
تم کہو گی نہیں میں وجہ سخن جان گئی
یاد سے تیری ہی معمور ہیں دن رات یہ کہنا ہے مجھے
تم کہو گی کہ میں ہستی کو کفن مان گئی
راہ الفت میں کبھی ہوگا ترا ساتھ یہ کہنا ہے مجھے
تم کہو گی میں زمانے کا چلن جان گئی
کون بدلے گا یہ حالات یہ کہنا ہے مجھے
تم کہو گی میں انہیں دار و رسن مان گئی
زندگی یہ ہے تو مرنا بھی ہے بارات یہ کہنا ہے مجھے
تم کہو گی کہ یہ میں سوختہ تن جان گئی
2
میں زمانے کے ہوں آئین کا پابند یہ کہنا ہے مجھے
تم کہو دیکھو کہ یہ مرگ ابد ہے کہ نہیں
ہاں میں اس پہ ہوں رضامند یہ کہنا ہے مجھے
تم کہو جور زماں کی کوئی حد ہے کہ نہیں
مجھ پہ ہر راہ ہوئی بند یہ کہنا ہے مجھے
تم کہو زندہ گرفتار لحد ہے کہ نہیں
ہاں گرفتار ہوں دو چند یہ کہنا ہے مجھے
تم کہو نعمت ہستی سے یہ کد ہے کہ نہیں
3
تم میری زیست کے ویرانے میں پرتو ہو خیابانوں کا
میں تو صرصر ہوں کہ ویرانوں سے کیا میل خیابانوں کے
تم تو ہو نغمۂ شب تاب مرے اجڑے شبستانوں کا
میں تو شیون ہوں کہ شیون ہیں نشاں ایسے شبستانوں کے
تم نیا روپ رچاؤ نیا سنگار ہو میرے نئے ارمانوں کا
میں تو ہوں خون تمنا کہ سدا خون ہوا کرتے ہیں ارمانوں کے
تم تو امرت ہو ملالوں کے الاؤ میں جلی جانوں کا
میں نہیں راکھ بھی کیا اور نشاں ہوں گے ملالوں سے جلی جانوں کے
- کتاب : auraq salnama magazines (Pg. e-456 p-444)
- Author : Wazir Agha,Arif Abdul Mateen
- مطبع : Daftar Mahnama Auraq Lahore (1967)
- اشاعت : 1967
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.