password

zamāna ek vo bhī thā

ki mere rāste meñ aa bhī jaatī gar koī mushkil

to terā naam hī mere liye mushkil-kushā thā

jaise koī qufl-e-abjad

jis se khul jaate the

saare band darvāze

vo darvāze

ki jin se ho ke jaate the

mirī duniyā ke sab raste

masarrat kī sabhī rāheñ

mohabbat kī guzargāheñ

zamāna ek ye bhī hai

hamāre biich kitnā fāsla hai

aur hamāre rāste kitne alag haiñ

phir bhī merī virtual duniyā

ke saare band darvāze

tire hī naam kī chābī se khulte haiñ

tire hī naam par rakkhe hue haiñ maiñ ne saare password apne

zamana ek wo bhi tha

ki mere raste mein aa bhi jati gar koi mushkil

to tera nam hi mere liye mushkil-kusha tha

jaise koi qufl-e-abjad

jis se khul jate the

sare band darwaze

wo darwaze

ki jin se ho ke jate the

meri duniya ke sab raste

masarrat ki sabhi rahen

mohabbat ki guzargahen

zamana ek ye bhi hai

hamare bich kitna fasla hai

aur hamare raste kitne alag hain

phir bhi meri wirtual duniya

ke sare band darwaze

tere hi nam ki chabi se khulte hain

tere hi nam par rakkhe hue hain main ne sare password apne