پتنگ

نیلی پیلی پتنگ ہماری

رنگوں کی ہے اک پچکاری

کتنے پیارے رنگ سجائے

کیا تو نے پھولوں سے چرائے

ڈور ہے تیری دھرتی اوپر

تو پہنچی آکاش پہ اڑ کر

اٹھلاتی لہراتی ہے تو

اتراتی بل کھاتی ہے تو

اڑتی ہے یوں نیل گگن میں

تتلی جیسے کوئی چمن میں

نازک سی ہے کمان تیری

لیکن اونچی اڑان تیری

دل کش ہر اک گن ہے تجھ میں

بس اڑنے کی دھن ہے تجھ میں

مجھ کو بھی یہ راز بتا دے

اونچا اڑنا مجھے سکھا دے

تاکہ اونچائی پر جاؤں

دنیا بھر میں نام کماؤں