purane sahilon par naya git

Saleem Kausar

purane sahilon par naya git

Saleem Kausar

MORE BYSaleem Kausar

    samundar chāñdnī meñ raqs kartā hai

    parinde bādaloñ meñ chhup ke kaise gungunāte haiñ

    zamīñ ke bhed jaise chāñd tāroñ ko batāte haiñ

    havā sargoshiyoñ ke jaal buntī hai

    tumheñ fursat mile to dekhnā

    lahroñ meñ ik kashtī hai

    aur kashtī meñ ik tanhā musāfir hai

    musāfir ke laboñ par vāpsī ke giit

    lahroñ subuk-gāmī meñ Dhalte

    dāstāñ kahte

    jazīroñ meñ kahīñ bahte

    purāne sāhiloñ par gūñjte rahte

    kisī māñjhī ke naġhmoñ se gale mil kar palaTte haiñ

    tumhārī yaad safha ulaTre haiñ

    abhī kuchh raat baaqī hai

    tumhārā aur merā saath baaqī hai

    añdheroñ meñ chhupā ik raushnī haath baaqī hai

    chale aanā

    ki ham us aane vaalī sub.h ko ik saath dekheñge

    samundar chandni mein raqs karta hai

    parinde baadalon mein chhup ke kaise gungunate hain

    zamin ke bhed jaise chand taron ko batate hain

    hawa sargoshiyon ke jal bunti hai

    tumhein fursat mile to dekhna

    lahron mein ek kashti hai

    aur kashti mein ek tanha musafir hai

    musafir ke labon par wapsi ke git

    lahron ki subuk-gami mein Dhalte

    dastan kahte

    jaziron mein kahin bahte

    purane sahilon par gunjte rahte

    kisi manjhi ke naghmon se gale mil kar palaTte hain

    tumhaari yaad ka safha ulaTre hain

    abhi kuchh raat baqi hai

    tumhaara aur mera sath baqi hai

    andheron mein chhupa ek raushni ka hath baqi hai

    chale aana

    ki hum us aane wali subh ko ek sath dekhenge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY