pyari pyari sabziyan

dekh kaisī pyārī pyārī sabziyāñ

haiñ baḌī rangīn saarī sabziyāñ

kaddū khāte the huzūr-e-pāk bhī

ThanDā ThanDā hai ise khā.eñ sabhī

bādshāh aalū hai is kī baat kyā

rab ne ham ko dī hai ye sauġhāt kyā

lawn se maiñ ne utārī bhinDiyāñ

jab pakī thiiñ kyā karārī bhinDiyāñ

kyā maze kā hai karelā kyā kahūñ

Dhaal bīmārī kī kar de saaf ḳhuuñ

niiñd laa.eñ aur deñ ye loriyāñ

jab bhī khā.eñ ham maze kī toriyāñ

motiyoñ se haiñ maTar sālan banāo

kyā maze kā hotā hai is kā pulāv

phuul gobhī sardiyoñ meñ hī mile

sāmne pak kar jo aa.e man khile

sabz pālak aur vo sarsoñ kā saag

saath makkhan aur makaī vaah vaah janāb

señk kar bhartā bane baiñgan kā ḳhuub

khaa.e jo bhī zā.iqe meñ jaa.e duub

mirch shimla phuul gobhī ko milā

aalū gājar sabz methī kyā maza

pyaaz khīre aur TamāTar kā salād

saath lo lemuu. baḌā aa.e savād

in meñ poshīda ḳhazāne kyā se kyā

sabziyāñ miltī haiñ ham ko jā-ba-jā

tandurustī aur ye sehat kā naam

khaao aur bīmāriyoñ ko ho salām

dekh kar in ko na muñh ko moḌiye

rābta ab sabziyoñ se joḌiye

dekh kaisi pyari pyari sabziyan

hain baDi rangin sari sabziyan

kaddu khate the huzur-e-pak bhi

ThanDa ThanDa hai ise khaen sabhi

baadshah aalu hai is ki baat kya

rab ne hum ko di hai ye saughat kya

lawn se main ne utari bhinDiyan

jab paki thin kya karari bhinDiyan

kya maze ka hai karela kya kahun

Dhaal bimari ki kar de saf KHun

nind laen aur den ye loriyan

jab bhi khaen hum maze ki toriyan

motiyon se hain maTar salan banao

kya maze ka hota hai is ka pulaw

phul gobhi sardiyon mein hi mile

samne pak kar jo aae man khile

sabz palak aur wo sarson ka sag

sath makkhan aur makai wah wah janab

senk kar bharta bane baingan ka KHub

khae jo bhi zaiqe mein jae dub

mirch shimla phul gobhi ko mila

aalu gajar sabz methi kya maza

pyaz khire aur TamaTar ka salad

sath lo lemu baDa aae sawad

in mein poshida KHazane kya se kya

sabziyan milti hain hum ko ja-ba-ja

tandurusti aur ye sehat ka nam

khao aur bimariyon ko ho salam

dekh kar in ko na munh ko moDiye

rabta ab sabziyon se joDiye