قالین
یہ مانا بہت خوب صورت ہے لیکن
یہ قالین پھر بھی نہ میں لے سکوں گا
بہت نرم ہے اور جاذب نظر بھی
کہ نازک سے پھولوں نے اس کو بنا ہو
ذرا اس کے ان سرخ رنگوں کو دیکھو
کہ گالوں کی سرخی ہو جیسے نچوڑی
یہ گولائی یہ نقش اور زاویے سب
بہت نرم ہاتھوں سے جیسے بنے ہوں
یہ اس کے کناروں کی رنگین جھالر
کہ معصوم خوابوں کی کوئی لڑی ہو
ذرا اس مہارت کا عالم تو دیکھو
سبھی رنگ یکجا ہیں پھر بھی جدا ہیں
بہت ہی مناسب ہے قیمت بھی اس کی
یہ قالین پھر بھی نہ میں لے سکوں گا
میں معصوم بچوں کا قاتل نہیں ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
