qadr-o-qimat

Yusuf Zafar

qadr-o-qimat

Yusuf Zafar

MORE BYYusuf Zafar

    sunā hai resham ke kīḌoñ ne

    pattoñ hariyālī chāTī

    shabnam ke qatroñ damak bhī

    phūloñ ke rañgoñ ko churāyā

    chāñd kirnoñ ke lachchhoñ se resham kaatā

    aur ik thaan kiyā tayyār jis ko lene ḳhātir

    shīrīñ ne farhād ko bechā

    hiir ne hiire

    lailā ne zulfoñ siyāhī

    lekin saudā ho na sakā

    ab phūloñ meñ rañg nahīñ hai

    shabnam paanī ke qatroñ meñ Duub ga.ī hai

    patte patte haiñ lekin be-āb-o-numū

    chāñd hai lekin bhiik piyāla kirnoñ se mahrūm

    sunā hai resham ke kiiḌe ye sochte haiñ

    un shahroñ se kuuch kareñ

    jin meñ un ke resham gāhak nahīñ hai

    sunā hai shīrīñ hiir aur lailā apne nāmoñ ko badleñge

    shāyad yūñhī un ke āshiq phir un ko pahchān sakeñ

    suna hai resham ke kiDon ne

    patton ki hariyali chaTi

    shabnam ke qatron ki damak bhi

    phulon ke rangon ko churaya

    chand ki kirnon ke lachchhon se resham kata

    aur ek than kiya tayyar jis ko pa lene ki KHatir

    shirin ne farhad ko becha

    hir ne hire

    laila ne zulfon ki siyahi

    lekin sauda ho na saka

    ab phulon mein rang nahin hai

    shabnam pani ke qatron mein Dub gai hai

    patte patte hain lekin be-ab-o-numu

    chand hai lekin bhik ka piyala kirnon se mahrum

    suna hai resham ke kiDe ye sochte hain

    un shahron se kuch karen

    jin mein un ke resham ka gahak hi nahin hai

    suna hai shirin hir aur laila apne namon ko badlenge

    shayad yunhi un ke aashiq phir un ko pahchan saken

    Source:

    • Book : Muntakhab Shahkar Nazmon Ka Album) (Pg. 355)
    • Author : Munavvar Jameel
    • Publication : Haji Haneef Printer Lahore (2000)
    • Edition : 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY