aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

qaid se najat

Muneer Shikohabadi

qaid se najat

Muneer Shikohabadi

MORE BYMuneer Shikohabadi

    baare aa.ī najāt baarī

    khul gayā uqda-e-giraftārī

    ham ko mansab milā rihā.ī

    qaid ko jā.edād-e-bekārī

    paañv ko chhoḌ bhāge mār-e-do-sar

    sar ko pushtāra-e-girāñbārī

    kuuch Thahrā maqām-e-ġhurbat se

    ab vatan chalne hai tayyārī

    ruḳhsat ai dostān-e-zindānī

    alvidā ai ġham-e-giraftārī

    arrahīl ai mashaqqat-e-har-zor

    al-firāq ai hujūm-e-nā-chārī

    daal fe ain ai kitābat-e-qaid

    gaaf miim ai hisāb-e-sarkārī

    daal chāval se kah do ruḳhsat hoñ

    paanī meñ Duube ye namak khārī

    machhliyoñ se kaho ki haT ke saḌeñ

    ghaas khode yahāñ tarkārī

    chīnī barhamā malā.ī madrāsī

    ahl-e-āshām jañgalī tātārī

    apne dīdār se maaf kareñ

    apnī bātoñ se deñ subuk-sārī

    kaale paanī se hote haiñ ruḳhsat

    ashk-e-shādī haiñ āñkhoñ se jaarī

    baiThte haiñ jahāz duurī par

    uThte haiñ lañgar-e-girāñbārī

    karam ai ḳhizr al-madad ai nuuh

    rahm ai fazl-e-hazrat-e-bārī

    assalām ai ḳharosh-e-bahr-e-muhīt

    assafar ai safīna-e-jārī

    zād-e-rāh-e-safar tavakkul hai

    rahnumā.ī ko us ġhaffārī

    hai irāda ki fikr-e-sher kareñ

    taaki ho duur rañj-e-bekārī

    bas-ki barsoñ rahā huuñ zindāñ meñ

    bhūlī qasr-e-suḳhan memārī

    bare aai najat ki bari

    khul gaya uqda-e-giraftari

    hum ko mansab mila rihai ka

    qaid ko jaedad-e-bekari

    panw ko chhoD bhage mar-e-do-sar

    sar ko pushtara-e-giranbari

    kuch Thahra maqam-e-ghurbat se

    ab watan chalne ki hai tayyari

    ruKHsat ai dostan-e-zindani

    alwida ai gham-e-giraftari

    arrahil ai mashaqqat-e-har-zor

    al-firaq ai hujum-e-na-chaari

    dal fe ain ai kitabat-e-qaid

    gaf mim ai hisab-e-sarkari

    dal chawal se kah do ruKHsat hon

    pani mein Dube ye namak khaari

    machhliyon se kaho ki haT ke saDen

    ghas khode yahan ki tarkari

    chini barhama malai madrasi

    ahl-e-asham jangali tatari

    apne didar se maf karen

    apni baaton se den subuk-sari

    kale pani se hote hain ruKHsat

    ashk-e-shadi hain aankhon se jari

    baiThte hain jahaz duri par

    uThte hain langar-e-giranbari

    karam ai KHizr al-madad ai nuh

    rahm ai fazl-e-hazrat-e-bari

    assalam ai KHarosh-e-bahr-e-muhit

    assafar ai safina-e-jari

    zad-e-rah-e-safar tawakkul hai

    rahnumai ko us ki ghaffari

    hai irada ki fikr-e-sher karen

    taki ho dur ranj-e-bekari

    bas-ki barson raha hun zindan mein

    bhuli qasr-e-suKHan ki memari

    Source:

    Urdu Mein Qaumi Shairi Ke Sau Saal (Pg. 109)

    • Author: Ali Jawad Zaidi
      • Edition: Edition I 1982,Editon II 2010
      • Publisher: Uttar Pradesh Urdu Acadmi (Lucknow)
      • Year of Publication: Edition I 1982,Editon II 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now