qaumi tarana

har bashar ke lab pe bhārat kī kahānī chāhiye

dāstān-e-mulk ghar ghar meñ sunānī chāhiye

ḳhāma-e-‘ishq-e-vatan se khīñch kar naqsh-o-nigār

lauh-e-dil par qaum kī mūrat banānī chāhiye

lab pe huuñ qaumī tarāne aur diloñ meñ valvale

qaum kī vedī pe yuuñ gardan chaḌhānī chāhiye

marte marte daas ke dil se yahī niklī sadā

mādar-e-bhārat ko āzādī dilānī chāhiye

chāplūsī kā sitamgāroñ kī mauqa' ho chukā

dushmanān-e-dīn-o-īmāñ sharm aanī chāhiye

qaid-ḳhānoñ meñ hazāroñ band haiñ faḳhr-e-vatan

mulk kī ḳhātir tumheñ bhī jaañ khapānī chāhiye

sarfarosho naam zindoñ meñ likhānā hai agar

apnī hastī rāh-e-millat meñ miTānī chāhiye

ai vatan ke nau-nihālo ḳhvāb-e-ġhaflat se uTho

imtihāñ kā vaqt hai himmat dikhānī chāhiye

bāda-e-hubb-e-vatan ke jaam bhar bhar kar pilā

tishnagī pyāsoñ kī yuuñ saaqī bujhānī chāhiye

'āftāb' aġhyār ke zulm-o-sitam kā ḳhauf kyā

īshvar kī dil-jaloñ par mehrbānī chāhiye

har bashar ke lab pe bhaarat ki kahani chahiye

dastan-e-mulk ghar ghar mein sunani chahiye

KHama-e-‘ishq-e-watan se khinch kar naqsh-o-nigar

lauh-e-dil par qaum ki murat banani chahiye

lab pe hun qaumi tarane aur dilon mein walwale

qaum ki wedi pe yun gardan chaDhani chahiye

marte marte das ke dil se yahi nikli sada

madar-e-bhaarat ko aazadi dilani chahiye

chaplusi ka sitamgaron ki mauqa' ho chuka

dushmanan-e-din-o-iman sharm aani chahiye

qaid-KHanon mein hazaron band hain faKHr-e-watan

mulk ki KHatir tumhein bhi jaan khapani chahiye

sarfarosho nam zindon mein likhana hai agar

apni hasti rah-e-millat mein miTani chahiye

ai watan ke nau-nihaalo KHwab-e-ghaflat se uTho

imtihan ka waqt hai himmat dikhani chahiye

baada-e-hubb-e-watan ke jam bhar bhar kar pila

tishnagi pyason ki yun saqi bujhani chahiye

'aftab' aghyar ke zulm-o-sitam ka KHauf kya

ishwar ki dil-jalon par mehrbani chahiye