قبلائی خان کا خواب ایک فقرہ کولریج کی طرز پر

گل نظر ہیں گل دہن ہیں گل بدن

ہیں علیل جذبۂ شعر و سخن

منہ دکھائی حسن جاں کی بے لگن

ہے منادی اس جنوں کی جان من

تیغ بازی کر چکا وہ گل بدن

اب مہکتا ہے لہو سے پیرہن

رقص کرتے تھے ہزاروں نیم تن

اس کا ہائے اللہ اللہ بانک پن

ہم ہی گل ہیں اور صبا ہیں اور چمن

ہم ہی آہو ہم ہی کل صیاد و بن

پتا پتا بوٹا بوٹا شعر و فن

جلوہ گاہ تیغ دست سیم تن

صبح کا نکلا ہوا اور شام کو

ہے لہو میں تر بہ تر وہ پیرہن

خواہش گفتار سے اٹھا خدا

آ گئی کن کی صدا پھر دفعتاً

گو زباں آئی زمانے میں تبھی

جب ہوا پیدا خدا کا ہم سخن

گر رہیں گی اس کے منہ سے بجلیاں

کچھ وراثت کچھ ہنر ہے کچھ پھبن

یعنی یعنی یہ غلام مرتضیٰ

جاذبؔ آشفتۂ گنگ و جمن