rahguzar

(thartharātā huā ehsās ke ġham-ḳhāne meñ

nargisī āñkhoñ kā ma.asūm sā shikvā din raat

ziist ke saath rahā kartā hai saa.e kī tarah

chand utre hue chehroñ kā taqāzā din raat)

shaam hotī hai to rotī haiñ nañdāsī āñkheñ

loriyāñ ruuTh ga.iiñ pyaar bharī baat ga.ī

sub.h aatī hai to kahtī haiñ nigāheñ uTh kar

kis liye din kā ujālā huā kyuuñ raat ga.ii)

(raushnī laa.e jo koī to kahāñ se laa.e

shām-e-ġham bhuul ga.ī sub.h-e-ḳhushī kā rasta

khoī khoī sī nigāhoñ meñ chamak hai phir bhī

ab bhī taktā hai koī jaise kisī kā rasta

paañv kāñToñ meñ haiñ tāroñ pe nazar hai ai dost)

(thartharaata hua ehsas ke gham-KHane mein

nargisi aankhon ka masum sa shikwa din raat

zist ke sath raha karta hai sae ki tarah

chand utre hue chehron ka taqaza din raat)

sham hoti hai to roti hain nandasi aankhen

loriyan ruTh gain pyar bhari baat gai

subh aati hai to kahti hain nigahen uTh kar

kis liye din ka ujala hua kyun raat gai)

(raushni lae jo koi to kahan se lae

sham-e-gham bhul gai subh-e-KHushi ka rasta

khoi khoi si nigahon mein chamak hai phir bhi

ab bhi takta hai koi jaise kisi ka rasta

panw kanTon mein hain taron pe nazar hai ai dost)