raat shahr aur uske bachche

Shamsur Rahman Faruqi

raat shahr aur uske bachche

Shamsur Rahman Faruqi

MORE BYShamsur Rahman Faruqi

    sard maidānoñ pe shabnam saḳht

    sukḌī sha-rāhoñ munjamid galiyoñ pe

    jaalā niiñd

    masrūf logoñ be-irāda ghūmte āvāra

    hujūm be-dimāġh ab tham gayā hai

    ranDiyoñ zanḳhoñ uchakkoñ jeb katroñ lūtiyoñ

    fauj istimāl karda jism ke mānind Dhīlī

    paḌ ga.ī hai

    sansanātī raushnī havāoñ phisaltī

    god meñ chup

    ūñghtī hai farsh aur dīvār o dar

    fuT paath

    khambe

    dhundlī mehrābeñ

    dukānoñ ke siyah vīrān-zīne

    sab ke nañge jism meñ shab

    nam havā sūiyāñ be-ḳhauf

    utartī kūdtī dhūmeñ machātī haiñ

    kuchh shikasta taḳhtoñ ke pīchhe ka.ī

    māsūm jāneñ haiñ

    ḳhvāb kam-ḳhvābī meñ larzāñ

    baal o par meñ sard-nishtar

    baañs halkī akahrī be-hifāzat

    Tokarī meñ

    darjanoñ majbūr taa.ir

    zer-e-par minqār muñh Dhāñpe ḳhamoshī ke samundar-e-be-nishāñ meñ

    ġharq bāzū-basta chup

    maḳhlūq ḳhudā jo gol kaalī gahrī āñkhoñ ke

    na jaane kaun se manzar meñ gum hai

    sard maidanon pe shabnam saKHt

    sukDi sha-rahon munjamid galiyon pe

    jala nind ka

    masruf logon be-irada ghumte aawara

    ka hujum be-dimagh ab tham gaya hai

    ranDiyon zanKHon uchakkon jeb katron lutiyon

    ki fauj istimal karda jism ke manind Dhili

    paD gai hai

    sansanati raushni hawaon ki phisalti

    god mein chup

    unghti hai farsh aur diwar o dar

    fuT path

    khambe

    dhundli mehraben

    dukanon ke siyah viran-zine

    sab ke nange jism mein shab

    nam hawa ki suiyan be-KHauf

    utarti kudti dhumen machati hain

    kuchh shikasta taKHton ke pichhe kai

    masum jaanen hain

    KHwab kam-KHwabi mein larzan

    baal o par mein sard-nishtar

    bans ki halki akahri be-hifazat

    Tokari mein

    darjanon majbur tair

    zer-e-par minqar munh Dhanpe KHamoshi ke samundar-e-be-nishan mein

    gharq bazu-basta chup

    maKHluq KHuda jo gol kali gahri aankhon ke

    na jaane kaun se manzar mein gum hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY