rahne do mujhe

guzre hue vaqtoñ se nikal kar dekhā

aaj kā daur alāhida to nahīñ hai

vo hī āvāz ke saa.e vo hī be-sharm sarāb

aaj bhī maujūd haiñ kal jaise ḳharāb

chehre zarā badle haiñ na.ī baat nahīñ hai

maanā biite hue kal se nadāmat hai mujhe

aisā kuchh bhī to nahīñ jis se aqīdat hai mujhe

maazī vale kuchh bhī ho jiine kā bahāna hai mire

ik ḳhvāb mohabbat kā suhānā hai mire

ab vo hī chhoḌ ke jiinā hai to jiinā kyā hai

haañ zarā dard bhī ho letā hai gāhe-gāhe

aur jaan pe ban aatī hai tab jab chāhe

ye bhī lagtā hai ke rāste band haiñ sab

aur jiine kī sajā āḳhir kab tak

par mire dost ye haal to maazī se bhī bad-tar hai

is meñ nafrat ke ubāle haiñ bahut

is meñ aaheñ fuġhāñ-o-nāle haiñ bahut

jiine ke liye marne kī zarūrat hai bahut

thā to ye pahle bhī magar itnā nahīñ thā

kuchh kā thā TuuTā huā har ek kā sapnā nahīñ thā

mujh ko mere maazī meñ fanā rahne do

merī ulfat mire jiine kā bahāna hai bahut

guzre hue waqton se nikal kar dekha

aaj ka daur alahida to nahin hai

wo hi aawaz ke sae wo hi be-sharm sarab

aaj bhi maujud hain kal jaise KHarab

chehre zara badle hain nai baat nahin hai

mana bite hue kal se nadamat hai mujhe

aisa kuchh bhi to nahin jis se aqidat hai mujhe

mazi wale kuchh bhi ho jine ka bahana hai mere

ek KHwab mohabbat ka suhana hai mere

ab wo hi chhoD ke jina hai to jina kya hai

han zara dard bhi ho leta hai gahe-gahe

aur jaan pe ban aati hai tab jab chahe

ye bhi lagta hai ke raste band hain sab

aur jine ki saja aaKHir kab tak

par mere dost ye haal to mazi se bhi bad-tar hai

is mein nafrat ke ubaale hain bahut

is mein aahen fughan-o-nale hain bahut

jine ke liye marne ki zarurat hai bahut

tha to ye pahle bhi magar itna nahin tha

kuchh ka tha TuTa hua har ek ka sapna nahin tha

mujh ko mere mazi mein fana rahne do

meri ulfat mere jine ka bahana hai bahut