railway line par mor

Zeeshan Sahil

railway line par mor

Zeeshan Sahil

MORE BYZeeshan Sahil

    railway line par

    mor so rahā hai

    tez raftār train

    yahāñ se mat guzro

    line-man se kaho

    kāñTā badal de

    tumhārā rāsta tabdīl ho jā.egā

    phir ek surḳh lālTain

    railway line ke saath rakh de

    kisī na kisī tarah

    tumheñ rok le

    railway line par mor so rahā hai

    use is ke ḳhvāb se bāhar mat nikālo

    vo apne ḳhvāb meñ

    kisī na.e bādshāh tarah

    pahlī baar gardan uThā ke chal chal rahā hai

    us saltanat

    us ke paroñ tarah rañgoñ se bharī

    aur khulī huī hai

    use be-rañg mat karo

    use mat ujāḌo

    us bādshāhat ḳhātma

    itnī jaldī mat karo

    agar hamāre āñsuoñ

    koī qīmat nahīñ hai

    tab bhī hamāre saare aañsū

    hamesha ke liye apne paas rakh lo

    hamāre mor niiñd

    us besh-qīmat niiñd

    us ke paroñ yakjā.ī

    hamāre kitnī aham hai

    tumheñ nahīñ ma.alūm

    tez raftār train

    ye sab kuchh ham se mat chhīno

    railway line par mor ko sone do

    vo hamesha soyā nahīñ rahegā

    raat bhar ke liye use sone do

    agar tum ne us ke paroñ ko

    bikher diyā

    to hamārī zindagī meñ logoñ

    aur chīzoñ tartīb

    ḳhatm ho jā.egī

    hamārī āñkhoñ meñ maujūd

    mohabbat āḳhirī chamak ḳhatm ho jā.egī

    hamāre diloñ se rañg uḌ jā.eñge

    railway line par

    us ke paroñ ko mat bikhero

    varna jo bhī unheñ uThā.egā

    is uñgliyoñ meñ umr bhar

    kāñTe chubhte raheñge

    is āñkhoñ meñ hamesha

    sūiyāñ bharī raheñgī

    ye par Diary meñ rakhne ke

    laḌkiyoñ ke liye

    pañkhe banāne ke kaam nahīñ aate

    agar ek baar mor ke par

    us niiñd bikhar jaa.e

    to hameñ aur tumheñ tez raftār train

    koī nahīñ chalne degā

    zinda bhī nahīñ rahne degā

    railway line par nahīñ sone degā

    railway line par

    mor so raha hai

    tez raftar train

    yahan se mat guzro

    line-man se kaho

    kanTa badal de

    tumhaara rasta tabdil ho jaega

    ya phir ek surKH lalTain

    railway line ke sath rakh de

    kisi na kisi tarah

    tumhein rok le

    railway line par mor so raha hai

    use is ke KHwab se bahar mat nikalo

    wo apne KHwab mein

    kisi nae baadshah ki tarah

    pahli bar gardan uTha ke chal chal raha hai

    us ki saltanat

    us ke paron ki tarah rangon se bhari

    aur khuli hui hai

    use be-rang mat karo

    use mat ujaDo

    us ki baadshahat ka KHatma

    itni jaldi mat karo

    agar hamare aansuon ki

    koi qimat nahin hai

    tab bhi hamare sare aansu

    hamesha ke liye apne pas rakh lo

    hamare mor ki nind

    us ki besh-qimat nind

    us ke paron ki yakjai

    hamare kitni aham hai

    tumhein nahin malum

    tez raftar train

    ye sab kuchh hum se mat chhino

    railway line par mor ko sone do

    wo hamesha soya nahin rahega

    raat bhar ke liye use sone do

    agar tum ne us ke paron ko

    bikher diya

    to hamari zindagi mein logon

    aur chizon ki tartib

    KHatm ho jaegi

    hamari aankhon mein maujud

    mohabbat ki aaKHiri chamak KHatm ho jaegi

    hamare dilon se rang uD jaenge

    railway line par

    us ke paron ko mat bikhero

    warna jo bhi unhen uThaega

    is ki ungliyon mein umr bhar

    kanTe chubhte rahenge

    is ki aankhon mein hamesha

    suiyan bhari rahengi

    ye par Diary mein rakhne ke

    ya laDkiyon ke liye

    pankhe banane ke kaam nahin aate

    agar ek bar mor ke par

    ya us ki nind bikhar jae

    to hamein aur tumhein tez raftar train

    koi nahin chalne dega

    zinda bhi nahin rahne dega

    railway line par nahin sone dega

    Source:

    • Book : saarii nazmen (Pg. 159)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY