raqs

MORE BYNoon Meem Rashid

    ai mirī ham-raqs mujh ko thaam le

    zindagī se bhaag kar aayā huuñ maiñ

    Dar se larzā huuñ kahīñ aisā na ho

    raqs-gah ke chor darvāze se aa kar zindagī

    DhūñD le mujh ko, nishāñ le merā

    aur jurm-e-aish karte dekh le!

    ai mirī ham-raqs mujh ko thaam le

    raqs ye gardisheñ

    ek mub.ham āsiyā ke daur haiñ

    kaisī sar-garmī se ġham ko rauñdtā jaatā huuñ maiñ!

    maiñ kahtā huuñ ke haañ

    raqsh-gah meñ zindagī ke jhāñkne se pesh-tar

    kulfatoñ sañg-reza ek bhī rahne na paa.e!

    ai mirī ham-raqs mujh ko thaam le

    zindagī mere liye

    ek ḳhūnīñ bheḌiye se kam nahīñ

    ai hasīn o ajnabī aurat usī ke Dar se maiñ

    ho rahā huuñ lamha lamha aur bhī tere qarīb

    jāntā huuñ mirī jaañ bhī nahīñ

    tujh se milne phir imkāñ bhī nahīñ

    mirī in ārzuoñ magar tamsīl hai

    jo rahīñ mujh se gurezāñ aaj tak!

    ai mirī ham-raqs mujh ko thaam le

    ahd-e-pārīna maiñ insāñ nahīñ

    bandagī se is dar o dīvār

    ho chukī haiñ ḳhvāhisheñ be-soz-o-rañg o nā-tavāñ

    jism se tere lipaT saktā to huuñ

    zindagī par maiñ jhapaT saktā nahīñ!

    is liye ab thaam le

    ai hasīn o ajnabī aurat mujhe ab thaam le!

    ai meri ham-raqs mujh ko tham le

    zindagi se bhag kar aaya hun main

    Dar se larza hun kahin aisa na ho

    raqs-gah ke chor darwaze se aa kar zindagi

    DhunD le mujh ko, nishan pa le mera

    aur jurm-e-aish karte dekh le!

    ai meri ham-raqs mujh ko tham le

    raqs ki ye gardishen

    ek mubham aasiya ke daur hain

    kaisi sar-garmi se gham ko raundta jata hun main!

    ji main kahta hun ke han

    raqsh-gah mein zindagi ke jhankne se pesh-tar

    kulfaton ka sang-reza ek bhi rahne na pae!

    ai meri ham-raqs mujh ko tham le

    zindagi mere liye

    ek KHunin bheDiye se kam nahin

    ai hasin o ajnabi aurat usi ke Dar se main

    ho raha hun lamha lamha aur bhi tere qarib

    jaanta hun tu meri jaan bhi nahin

    tujh se milne ka phir imkan bhi nahin

    tu meri in aarzuon ki magar tamsil hai

    jo rahin mujh se gurezan aaj tak!

    ai meri ham-raqs mujh ko tham le

    ahd-e-parina ka main insan nahin

    bandagi se is dar o diwar ki

    ho chuki hain KHwahishen be-soz-o-rang o na-tawan

    jism se tere lipaT sakta to hun

    zindagi par main jhapaT sakta nahin!

    is liye ab tham le

    ai hasin o ajnabi aurat mujhe ab tham le!

    Videos
    This video is playing from YouTube

    Videos
    This video is playing from YouTube

    Unknown

    Unknown

    RECITATIONS

    Nomaan Shauque

    Nomaan Shauque

    Nomaan Shauque

    raqs Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY