rau mein hai raKHsh-e-umr

rahguzar par shor-o-ġhul kā sail hai

bah rahā hai ḳhushk tinke kī tarah

ye jahān-e-rañg-o-bū

ghūmte pahiyoñ dhaḌaktī gāḌiyoñ kī hichkiyāñ

dāstāñ-dar-dāstāñ uljhī huī haiñ chār-sū

dard se sahme hue ḳhvāboñ ke lākhoñ qāfile

gāmzan haiñ su-e-hasrat hausle thāme hue

maiñ bhī un meñ tum bhī in meñ saarī duniyā un meñ hai

ḳhāmushī bhī naġhmagī bhī ashk-o-ḳhūñ bhī un meñ hai

kuchh nigāheñ arsh par haiñ kuchh nigāheñ farsh par

vaqt āñdhī kī tarah

kar rahā hai tez-tar is sail ko

ham kahāñ haiñ kaun sī manzil pe haiñ

koī batlāo koī āvāz do

koī batlāo koī āvāz do

rahguzar par shor-o-ghul ka sail hai

bah raha hai KHushk tinke ki tarah

ye jahan-e-rang-o-bu

ghumte pahiyon dhaDakti gaDiyon ki hichkiyan

dastan-dar-dastan uljhi hui hain chaar-su

dard se sahme hue KHwabon ke lakhon qafile

gamzan hain su-e-hasrat hausle thame hue

main bhi un mein tum bhi in mein sari duniya un mein hai

KHamushi bhi naghmagi bhi ashk-o-KHun bhi un mein hai

kuchh nigahen arsh par hain kuchh nigahen farsh par

waqt aandhi ki tarah

kar raha hai tez-tar is sail ko

hum kahan hain kaun si manzil pe hain

koi batlao koi aawaz do

koi batlao koi aawaz do