raushniyan

Jaan Nisar Akhtar

raushniyan

Jaan Nisar Akhtar

MORE BY Jaan Nisar Akhtar

    aaj bhī kitnī an-ginat sham.eñ

    mere siine meñ jhilmilātī haiñ

    kitne aariz jhalkiyāñ ab tak

    dil meñ sīmīñ varaq luTātī haiñ

    kitne hīrā-tarāsh jismoñ

    bijliyāñ dil meñ kauñd jaatī haiñ

    kitnī tāroñ se ḳhush-numā āñkheñ

    merī āñkhoñ meñ muskurātī haiñ

    kitne hoñToñ gul-fishāñ āñcheñ

    mere hoñToñ meñ sansanātī haiñ

    kitnī shab-tāb reshmī zulfeñ

    mere baazū pe sarsarātī haiñ

    kitnī ḳhush-rañg motiyoñ se bharī

    bāliyāñ dil meñ TimTimātī haiñ

    kitnī gorī kalā.iyoñ laveñ

    dil ke goshoñ meñ jagmagātī haiñ

    kitnī rañgīñ hatheliyāñ chhup kar

    dhīme dhīme kañval jalātī haiñ

    kitnī āñchal se phūTtī kirneñ

    mere pahlū meñ rasmasātī haiñ

    kitnī pāyal shoḳh jhankāreñ

    dil meñ chiñgāriyāñ uḌātī haiñ

    kitnī añgḌā.iyāñ dhanak ban kar

    ḳhud ubhartī haiñ TuuT jaatī haiñ

    kitnī gul-posh naqra.ī bāñheñ

    dil ko halqe meñ le ke gaatī haiñ

    aaj bhī kitnī an-ginat sham.eñ

    mere siine meñ jhilmilātī haiñ

    apne is jalva-gar tasavvur

    jāñ-fazā dilkashī se zinda huuñ

    in biite javān lamhoñ

    shoḳh-tābindagī se zinda huuñ

    yahī yādoñ raushnī to hai

    aaj jis raushnī se zinda huuñ

    aao maiñ tum se e'tirāf karūñ

    maiñ isī shā.irī se zinda huuñ

    aaj bhi kitni an-ginat shamen

    mere sine mein jhilmilati hain

    kitne aariz ki jhalkiyan ab tak

    dil mein simin waraq luTati hain

    kitne hira-tarash jismon ki

    bijliyan dil mein kaund jati hain

    kitni taron se KHush-numa aankhen

    meri aankhon mein muskuraati hain

    kitne honTon ki gul-fishan aanchen

    mere honTon mein sansanati hain

    kitni shab-tab reshmi zulfen

    mere bazu pe sarsaraati hain

    kitni KHush-rang motiyon se bhari

    baaliyan dil mein TimTimati hain

    kitni gori kalaiyon ki lawen

    dil ke goshon mein jagmagati hain

    kitni rangin hatheliyan chhup kar

    dhime dhime kanwal jalati hain

    kitni aanchal se phuTti kirnen

    mere pahlu mein rasmasati hain

    kitni payal ki shoKH jhankaren

    dil mein chingariyan uDati hain

    kitni angDaiyan dhanak ban kar

    KHud ubharti hain TuT jati hain

    kitni gul-posh naqrai banhen

    dil ko halqe mein le ke gati hain

    aaj bhi kitni an-ginat shamen

    mere sine mein jhilmilati hain

    apne is jalwa-gar tasawwur ki

    jaan-faza dilkashi se zinda hun

    in hi bite jawan lamhon ki

    shoKH-tabindagi se zinda hun

    yahi yaadon ki raushni to hai

    aaj jis raushni se zinda hun

    aao main tum se e'tiraf karun

    main isi shairi se zinda hun

    RECITATIONS

    Nomaan Shauque

    Nomaan Shauque

    Nomaan Shauque

    raushniyan Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites