reKHta

reḳhta jis kā baḌā naam hai kyā arz karūñ

ye hamāre liye in.aam hai kyā arz karūñ

faal nek is kā hai urdu ke liye apnā vajūd

jis kā faizān-e-nazar aam hai kyā arz karūñ

aap ḳhud dekh leñ kahne pe na jaa.eñ mere

vo bhī is meñ hai jo gumnām hai kyā arz karūñ

merā majmūa-e-ash.ār hai is kī zīnat

bāda-e-shauq kā ye jaam hai kyā arz karūñ

apnī mīrās-e-adab karte haiñ kaise mahfūz

is kā sab ke liye paiġhām hai kyā arz karūñ

kisī muslim ko na dī is kī ḳhudā ne taufīq

aap bhī dekh leñ kyā kaam hai kyā arz karūñ

ye kutub-ḳhāna-e-mārūf adab kā 'barqī'

aisī ik jalva-gah-e-ām hai kyā arz karūñ

reKHta jis ka baDa nam hai kya arz karun

ye hamare liye inam hai kya arz karun

fal nek is ka hai urdu ke liye apna wajud

jis ka faizan-e-nazar aam hai kya arz karun

aap KHud dekh len kahne pe na jaen mere

wo bhi is mein hai jo gumnam hai kya arz karun

mera majmua-e-ashaar hai is ki zinat

baada-e-shauq ka ye jam hai kya arz karun

apni miras-e-adab karte hain kaise mahfuz

is ka sab ke liye paigham hai kya arz karun

kisi muslim ko na di is ki KHuda ne taufiq

aap bhi dekh len kya kaam hai kya arz karun

ye kutub-KHana-e-maruf adab ka 'barqi'

aisi ek jalwa-gah-e-am hai kya arz karun