sal ki aaKHiri shab

Saleem Kausar

sal ki aaKHiri shab

Saleem Kausar

MORE BYSaleem Kausar

    saal āḳhirī shab

    mere kamre meñ kitāboñ hujūm

    pichhlī rātoñ ko tarāshe hue kuchh maah o nujūm

    maiñ akelā mire atrāf uluum

    ek tasvīr pe bante hue mere ḳhad-o-ḳhāl

    in pe jamtī huī gard-e-mah-o-sāl

    ik hayūlā pas-e-shahr-e-ġhubār

    aur mujhe jakḌe hue ḳhud mirī bāhoñ ke hisār

    koī rauzan hai na dar

    so ga.e ahl-e-ḳhabar

    saal āḳhirī shab

    na kisī hijr sadma na kisī vasl ḳhvāb

    ḳham hone ko hai bas āḳhirī lamhe shabāb

    aur ufuq paar dhuñdlakoñ se kaheñ

    khulne vaalā hai na.ī sub.h baab

    is na.ī sub.h ko kyā nazr karūñ

    har taraf phailā huā tez havāoñ fusūñ

    aur maiñ sochtā huuñ

    dar-o-dīvār meñ lipTe hue sahme hue log

    galī-kūchoñ meñ nikalte hue ghabrāte hue

    maiñ unheñ kaise batā.ūñ ki yahī mausam hai

    jab parindoñ ke par-o-bāl nikal aate haiñ

    sal ki aaKHiri shab

    mere kamre mein kitabon ka hujum

    pichhli raaton ko tarashe hue kuchh mah o nujum

    main akela mere atraf ulum

    ek taswir pe bante hue mere KHad-o-KHal

    in pe jamti hui gard-e-mah-o-sal

    ek hayula sa pas-e-shahr-e-ghubar

    aur mujhe jakDe hue KHud meri bahon ke hisar

    koi rauzan hai na dar

    so gae ahl-e-KHabar

    sal ki aaKHiri shab

    na kisi hijr ka sadma na kisi wasl ka KHwab

    KHam hone ko hai bas aaKHiri lamhe ka shabab

    aur ufuq par dhundlakon se kahen

    khulne wala hai nai subh ka bab

    is nai subh ko kya nazr karun

    har taraf phaila hua tez hawaon ka fusun

    aur main sochta hun

    dar-o-diwar mein lipTe hue sahme hue log

    gali-kuchon mein nikalte hue ghabraate hue

    main unhen kaise bataun ki yahi mausam hai

    jab parindon ke par-o-baal nikal aate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY