sanjh bhai pardes

be-kivāḌ darvāze

raah dekhte hoñge

taaq be-charāġhoñ ke

ik kiran ujāle kī

bhiik māñgte hoñge

kyoñ jhijak ga.e raahī

kyoñ ThiThuk ga.e raahī

DhūñDne kise jaao

intizār kis kā ho

rāste meñ kuchh sāthī

rah badal bhī jaate haiñ

phir kabhī na milne ko

kuchh bichhaḌ bhī jaate haiñ

qāfila kabhī Thahrā

qāfila kahāñ Thahrā

raah kyoñ kare khoTī

kis kā aasrā dekhe

chand kāñch ke TukḌe

ik bilor kī golī

nanhe munne hāthoñ kā

jin pe lams baaqī hai

zād-e-rāh kaafī hai

ḳhushk ho chuke gajre

kis gale meñ Dālogī

bhūlī bhaTkī ḳhushbūo

kis kī raah rokogī

kis ne ashk poñchhe haiñ

kis ne haath thāmā hai

apnā rāsta naapo

be-kivāḌ darvāze

raah dekhte hoñge

kal na.ī sahar hogī

laaj se bharī kaliyāñ

kal bhī muskurā.eñgī

kal koī na.ī gorī

adh-khilī na.ī kaliyāñ

haar meñ piro.egī

be-kiwaD darwaze

rah dekhte honge

taq be-charaghon ke

ek kiran ujale ki

bhik mangte honge

kyon jhijak gae rahi

kyon ThiThuk gae rahi

DhunDne kise jao

intizar kis ka ho

raste mein kuchh sathi

rah badal bhi jate hain

phir kabhi na milne ko

kuchh bichhaD bhi jate hain

qafila kabhi Thahra

qafila kahan Thahra

rah kyon kare khoTi

kis ka aasra dekhe

chand kanch ke TukDe

ek bilor ki goli

nanhe munne hathon ka

jin pe lams baqi hai

zad-e-rah kafi hai

KHushk ho chuke gajre

kis gale mein Dalogi

bhuli bhaTki KHushbuo

kis ki rah rokogi

kis ne ashk ponchhe hain

kis ne hath thama hai

apna rasta napo

be-kiwaD darwaze

rah dekhte honge

kal nai sahar hogi

laj se bhari kaliyan

kal bhi muskuraengi

kal koi nai gori

adh-khili nai kaliyan

haar mein piroegi