sanp
ek saañp ko
maiñ ne titlī banā diyā
aur ek kāñTe ko
tabdīl kar diyā phuul meñ
band galī ke āḳhirī sire par
jo dīvār thī
maiñ ne use
shahr kī taraf khulne vaalā
darvāza banā diyā
zahr ke dariyā ko
maiñ ne rakh diyā
shahd kī botal meñ
aur chhupā diyā
us kī nazroñ se bhī
us kī tasvīr ko
jise maiñ apnā ā.īna samajhtā thā
us ke ba.ad
jab vo aa.ī aur dohrāne lagī
vo lafz
jo kabhī us ke liye be-asar thā
aaj us ek lafz kā
mujh par koī asar hī nahīñ huā
maiñ to
use pahchān hī na sakā
yaad bhī na rakh sakā
saañp ko
ek sanp ko
main ne titli bana diya
aur ek kanTe ko
tabdil kar diya phul mein
band gali ke aaKHiri sire par
jo diwar thi
main ne use
shahr ki taraf khulne wala
darwaza bana diya
zahr ke dariya ko
main ne rakh diya
shahd ki botal mein
aur chhupa diya
us ki nazron se bhi
us ki taswir ko
jise main apna aaina samajhta tha
us ke baad
jab wo aai aur dohrane lagi
wo lafz
jo kabhi us ke liye be-asar tha
aaj us ek lafz ka
mujh par koi asar hi nahin hua
main to
use pahchan hi na saka
yaad bhi na rakh saka
sanp ko
- Book : saarii nazmen (Pg. 162)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
