sadma

MORE BYChandrabhan Khayal

    bastī bīmār galī meñ

    shahnā.ī jab jab gūñjī hai

    maañ ne aksar mujh se kahā hai

    tum bhī apnā byaah rachā lo

    maiñ ghar ke kone meñ baiThā

    shor sun rahā huuñ shahroñ

    ghāyal nadiyoñ lahroñ

    parbat par baiThā ik jogī

    apnī āñkheñ band kiye mujh par hañstā hai

    aur vo mustaqbil aurat

    kabhī sarāsar zahr ugaltī

    kabhī anokhā zahar nigaltī

    piiT rahī hai chaaT rahī hai chhātī merī

    dariyā jañgal parbat sahrā

    shor hai kitnā andar bāhar

    pal pal jaise kuuḌe lagā rahī hai ḳhvāhish

    sadiyoñ ke pyāse neze paivast hue phir

    sūkhī aur be-rañg ragoñ meñ

    ḳhuun ke ik qatre ḳhātir

    sadiyoñ rāheñ tai karnā

    koī mushkil kaam nahīñ hai

    bahr-e-kashākash ke sāhil par

    rāhat patthar toḌ rahī hai

    mauj-e-tamannā chaTTānoñ se apnā māthā phoḌ rahī hai

    maiñ ghar ke kone meñ baiThā

    shor sun rahā huuñ mamtā

    haañ ab maiñ soch rahā huuñ

    aisā koī raas rachā.ūñ

    ammāñ būḌhī chhātī par

    ek nayā sadma ban jā.ūñ

    basti ki bimar gali mein

    shahnai jab jab gunji hai

    man ne aksar mujh se kaha hai

    tum bhi apna byah racha lo

    main ghar ke kone mein baiTha

    shor sun raha hun shahron ka

    ghayal nadiyon ki lahron ka

    parbat par baiTha ek jogi

    apni aankhen band kiye mujh par hansta hai

    aur wo mustaqbil ki aurat

    kabhi sarasar zahr ugalti

    kabhi anokha zahar nigalti

    piT rahi hai chaT rahi hai chhati meri

    dariya jangal parbat sahra

    shor hai kitna andar bahar

    pal pal jaise kuDe laga rahi hai KHwahish

    sadiyon ke pyase neze paiwast hue phir

    sukhi aur be-rang ragon mein

    KHun ke ek qatre ki KHatir

    sadiyon ki rahen tai karna

    koi mushkil kaam nahin hai

    bahr-e-kashakash ke sahil par

    rahat patthar toD rahi hai

    mauj-e-tamanna chaTTanon se apna matha phoD rahi hai

    main ghar ke kone mein baiTha

    shor sun raha hun mamta ka

    han ab main soch raha hun

    aisa koi ras rachaun

    amman ki buDhi chhati par

    ek naya sadma ban jaun

    Source :
    • Book : Shoalon Ka Shajar (Pg. 85)
    • Author : Chander Bhan Khayal
    • Publication : Sutoor Parkashan (1969)
    • Edition : 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now